06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Նույնիսկ տղաների մարմինները չեն կարողանում դուրս բերել․ Աննա Գրիգորյան․ ՏԵՍԱՆՅՈՒԹ
Քաղաքականություն
25.10.2022 | 17:44
«Հիմա խաղաղությունն ավելի հեռու է, քան երբևէ, Հայաստանի համար անվտանգային խնդիրներն ավելի մեծ են, քան երբևէ»,- ԱԺ նիստում այսօր հայտարարեց «Հայաստան» խմբակցության պատգամավոր Աննա Գրիգորյանը։
«Այս իշխանությունները սկզբում հանուն «խաղաղության» հանձնեցին Սյունիքի շուրջ ձևավորված անվտանգության գոտին, հետո Գորիս-Կապան ավտոճանապարհը, բայց խաղաղության փոխարեն ստացանք հարձակում ՀՀ սուվերեն տարածքի վրա։ Ադրբեջանցիները քայլելով մտան ու գրավեցին Սև լճի մի մասը, իսկ Փաշինյանն ասում էր՝ հո կռիվ չե՞նք անելու։
Նույն կերպ մտան Ներքին Հանդ։ Հիմա էլ ասում են, թե խաղաղության գինն Արցախն է։ Եթե կարճ բանաձևենք, ասում են՝ Արցախը տանք, ՀՀ-ն պահենք։ Նախ, ո՞վ եք դուք, որ մեր ծնողների, մեր և սերունդների անունից տաք Արցախը, առ ոչինչ անեք Եռաբլուրում հանգչող տղաների զոհողությունները։ Երկրորդ, Արցախը մեր անվտանգության բարձիկն էր հողի վրա, հիմա էլ անվտանգության բարձիկն է բանակցություններում։ Արցախը հանձնելուց հետո սեղանին հայտնվելու է փաստաթուղթ՝ Սյունիքի, հետո նաև Հայաստանի վերաբերյալ»,- նշեց Գրիգորյանը։
Ընդդիմադիր պատգամավորի դիտարկմամբ՝ խաղաղության պայմանագիրը անվտանգության խաղաղության երաշխք չէ
Գրիգորյան խոսքով՝ իշխանությունը պատերազմից հետո ոչինչ չի արել․ «Այս իշխանությունը պատերազմից հետո երկու տարի անց նվնվում է, որ իրենց զենք չեն վաճառում։ Չի կարողացել վերադարձնել իր քաղաքացիներին, որոնք Բաքվի բանտում են, և սեպտեմբերի 13-ից հետո նույնիսկ մեր տղաների մարմինները չեն կարողանում դուրս բերել»։
Մանրամասները՝ տեսանյութում։
