07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
ԱԻՆ-ն Արդյունաբերական անվտանգության միջպետական խորհրդին առաջարկություններ է ներկայացրել
24.10.2022 | 15:33
Տեղի է ունեցել Արդյունաբերական անվտանգության միջպետական խորհրդի 20-րդ նիստը: Մասնակցել են ԱՊՀ անդամ բոլոր երկրներից ներկայացուցիչներ. տեղեկացնում են ՀՀ ԱԻՆ-ից։
Խորհրդի նիստի նպատակն է ԱՊՀ մասնակից պետություններում կարգավորել շահագործվող արտադրական վտանգավոր օբյեկտներում անվտանգության ապահովման օրենսդրական դաշտը, իրականացնել մեկ միասնական քաղաքականություն, համատեղ մշակել և սահմանել միջազգային նորմերին համապատասխան անվտանգության պահանջներ, ներդնել նոր տեխնոլոգիաներ, կիրառել կանխարգելիչ միջոցառումներ՝ տեխնածին վթարները, արտադրական դժբախտ դեպքերը և պատահարները նվազեցնելու նպատակով:
Արտակարգ իրավիճակների նախարարության «Տեխնիկական անվտանգության ազգային կենտրոն» ՊՈԱԿ-ի տնօրեն Վարդան Գևորգյանը ներկայացրել է 2022 թվականի հունվարից մինչ այսօր կատարված աշխատանքները։ Քննարկվել է տեխնիկական անվտանգության ոլորտի բարեփոխումներին վերաբերող առաջարկությունների կանոնակարգերը, որն ավելի վաղ հաստատվել էր ՀՀ կառավարության կողմից:
ՊՈԱԿ-ի տնօրենը հավելել է, որ ընթացքի մեջ է վերելակների անվտանգ շահագործման տեխնիկական անվտանգության կանոնների և հրագործական արտադրատեսակների պահման և շահագործման տեխնիկական անվտանգության կանոնների մշակումը:
Արդյունաբերական անվտանգության խորհրդի նիստն ամենամյա է, այս տարի նախագահող երկիրը Ղազախստանն է:
