23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Հայաստանի, Ադրբեջանի և Ռուսաստանի ղեկավարները դեմ առ դեմ բանակցություններ կվարեն
Քաղաքականություն
24.10.2022 | 10:19
Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը կարող են հանդիպել Ռուսաստանում և եռակողմ բանակցություններ վարել Վլադիմիր Պուտինի մասնակցությամբ։ Հանդիպման նախապատրաստման մասին հայտնել Վեդոմոստիի դիվանագիտական աղբյուրը։
Նրա խոսքով, աշխատանքը սկսվել է հոկտեմբերի 14-ին Աստանայում ԱՊՀ գագաթնաժողովում Պուտինի ելույթից հետո։ «Վեդոմոստի»-ի մեկ այլ աղբյուր նշում է, որ բանակցությունները կարող են տեղի ունենալ հոկտեմբերի վերջին օրերին, իսկ որպես անցկացման հիմնական վայրեր դիտարկվում են Մոսկվան և Սոչին։
«Ամենայն հավանականությամբ, ընտրությունը կանգ կառնի Սոչիի վրա»,- ասում է նա։
Հիշեցնենք՝ Փաշինյան-Ալիև վերջին հանդիպումը կայացել է Էմանուել Մակրոնի և Շառլ Միշելի մասնակցությամբ հոկտեմբերի 6-ին Պրահայում Եվրոպական քաղաքական համայնքի գագաթնաժողովի շրջանակում։
Տաթև Ֆռանգյան
