25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Կիևում և Վիննիցում պայթյուններ են գրանցվել, ՀՕՊ-ը հրթիռներ է խոցել
Քաղաքականություն
19.10.2022 | 18:19
Կիևում BBC-ի ռուսական ծառայության միանգամից երեք թղթակիցներ պայթյուններ են լսել մայրաքաղաքի տարբեր հատվածներում։ Կիևի շրջանային ռազմական վարչակազմի ղեկավար Օլեքսեյ Կուլեբան զեկուցել է տարածաշրջանում հակաօդային պաշտպանության աշխատանքի մասին։
«Հյուսիս» օպերատիվ հրամանատարությունը ևս հայտնել է Չեռնիգովի շրջանի Կոպտիում երկու խոցված հրթիռների մասին:
BBC-ի թղթակիցները հայտնել են պայթյունների մասին Իվանո-Ֆրանկիվսկի շրջանում, սակայն այս մասին պաշտոնական տեղեկություն չկա։
Ավելի վաղ Վիննիցայի շրջանային ռազմական վարչակազմի ղեկավար Սերգեյ Բորզովը հայտարարել էր քաղաքի հրետակոծության մասին։
Ուկրաինայում օդային տագնապ է հայտարարված։
Կիևի քաղաքապետ Վիտալի Կլիչկոն հայտարարել է, որ հակաօդային պաշտպանության համակարգերը մի քանի հրթիռ են խոցել Կիևի երկնքում։
«ՀՕՊ-ը Կիևի վրա մի քանի ռուսական հրթիռ է խոցել»,- ասել է նա։
Նրա խոսքով՝ օդային հարձակումը շարունակվում է։ Կլիչկոն քաղաքացիներին հորդորել է մնալ ապաստարաններում։
Տաթև Ֆռանգյան
