16.09.2026 | 14:23
Opta Aanalyst-ը գնահատել է «Արարատ-Արմենիայի» շանսերը Եվրոպա լիգայում. ԼՈՒՍԱՆԿԱՐ
Ղրղզստանն առաջարկել է ՀԱՊԿ զորախումբ տեղակայել Տաջիկստանի հետ սահմանին
Քաղաքականություն
19.10.2022 | 12:13
Ղրղզստանի և Տաջիկստանի սահմանին իրավիճակը կարգավորելու համար պետք է տեղակայվեն Հավաքական անվտանգության պայմանագրի կազմակերպության (ՀԱՊԿ) խաղաղապահներ, կարծում է Ղրղզստանի պաշտպանության նախարար Բակտիբեկ Բեկբոլոտովը, փոխանցում է Լենտան։ Նրա կարծիքով՝ կողմերի միջև խաղաղության հասնելու այլ ճանապարհ չկա։
«Մինչև մեր միջև չկանգնի միջնորդ դատավոր, խաղաղություն չի լինի։ Հակամարտությունը լուծելու համար ես առաջարկեցի մեր վիճելի տարածքներում տեղակայել ՀԱՊԿ փոքր զորախումբ, որը կլուծի մի քանի խնդիր՝ հրադադարի մոնիտորինգ և պետական սահմանից ծանր տեխնիկայի դուրսբերումը»,- ասել է Բեկբոլոտովը ՀԱՊԿ գլխավոր քարտուղար Ստանիսլավ Զասի հետ հանդիպմանը։ Ըստ Ղրղզստանի պաշտպանության նախարարի՝ միայն դրանից հետո հնարավոր կլինի սահմանազատում իրականացնել։
Ավելի վաղ Ղրղզստանի նախագահ Սադիր Ջապարովը խնդրել էր Վլադիմիր Պուտինին՝ օգնել լուծելու Տաջիկստանի հետ սահմանազատման հարցը։ Ղրղզստանի Անվտանգության խորհրդի քարտուղար Մարատ Իմանկուլովի խոսքով՝ ՌԴ նախագահը խոստացել է մտածել այդ ուղղությամբ։
Տաթև Ֆռանգյան
