19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Քաղաքապետարանի աշխատողները քաշքշում են փուչիկ վաճառող, 3-րդ կարգի հաշմանդամություն ունեցող տղային․ ՏԵՍԱՆՅՈՒԹ
Հասարակություն
18.10.2022 | 11:53
«Շրջիկ առևտրի մասին նախագիծն ընդունելու հետևանքով բազմաթիվ մարդիկ, որոնք շրջիկ առևտրով են վաստակում իրենց հացը, հայտնվել են անելանելի իրավիճակում»,- Երևանի ավագանու այսօրվա նիստում այս խնդրի մասին բարձրաձայնեց «Իմ քայլը» խմբակցության պատգամավոր Իզաբելլա Ավագյանը։
«Ինձ փոխանցել են տեսանյութ, որտեղ երևում է, թե ինչպես են քաղաքապետարանի աշխատողները քաշքշում փուչիկ վաճառող երիտասարդին՝ Արմենին, որը երրորդ կարգի հաշմանդամություն ունի, և պայթցնում են ապրանքը, որը նա վաճառում էր։
Արմենը նույնպես ՀՀ քաղաքացի է, և որևէ մեկն իրավունք չունի մատով անգամ դիպչել նրան և փչացել նրա ապրանքը։ Այս իրավիճակն առաջացել է նրա հետևանքով, որ Արմենը չի դիմել քաղաքապետարան՝ շրջիկ առևտրով զբաղվելու համար»,- նշեց ավագանու անդամը և գործընկերներին հորդորեց կարգուկանոն հաստատել, որպեսզի այսուհետ բացառվի ֆիզիկական ներգործությունը շրջիկ առևտրով զբաղվողների նկատմամբ և կրկին անդրադառնալ «Շրջիկ առևտրի մասի օրենքին» ու կատարել որոշակի փոփոխություններ։
Մանրամասները՝ տեսանյութում։
