23.11.2024 | 11:23
Արտարժույթների փոխարժեքները՝ նոյեմբերի 23-ի դրությամբ
Բաքուն արձագանքեց Փաշինյանին․ ԵՄ-ն հաստատեց 40 դիտորդների տեղակայումը ՀՀ-ում․ Լուրեր
Քաղաքականություն
17.10.2022 | 16:02
- ԵՄ Խորհուրդն այսօր որոշել է կառույցի 40 մոնիթորինգային փորձագետների տեղակայել Հայաստան-Ադրբեջան սահմանին՝ Հայաստանի կողմում՝ տարածաշրջանում տիրող իրավիճակի դիտարկման, վերլուծության և արդյունքների վերաբերյալ զեկուցելու նպատակով: Ըստ եվրոպական կողմի՝ նպատակն է վստահություն ստեղծել անկայուն իրավիճակում։
- Ադրբեջանի ԱԳՆ-ն հայտարարել է, որ անիրատեսական է համարում սահմանին անցակետեր բացելու Հայաստանի առաջարկած տարբերակները։ Վարչապետ Նիկոլ Փաշինյանն այսօր հիշեցրել է, որ Ադրբեջանի և Նախիջևանի միջև կապն ապահովելու նպատակով հայ-ադրբեջանական սահմանին 3 անցակետ բացելու մասին ՀՀ կառավարության որոշման նախագիծը մի քանի ամիս պաշտոնապես շրջանառվում է։
- ԱՄՆ կոնգրեականների ներկայացուցչական պատվիրակությունը Հայաստան կժամանի վաղը․ այս մասին Factor.am-ին հայտնեց Ազգային ժողովի նախագահի մամուլի խոսնակ Ծովինար Խաչատրյանը։ Խորհրդարանում վաղը նախատեսված է կոնգրեսականների հանդիպումը ԱԺ նախագահ Ալեն Սիմոնյանի հետ, հանդիպումներ կլինեն նաև խորհրդարանական հանձնաժողովների հետ, որից հետո պատվիրակությունը հանդես կգա մամուլի ասուլիսով։
Այս ժամի լուրերը՝ տեսանյութում։
