21.04.2026 | 17:45
Ադրբեջանը չի ապահովել Լեռնային Ղարաբաղի հակամարտությունից տուժած անձանց պաշտպանությունը. Amnesty International
ԱՊՀ նիստում, ՀԱՊԿ երկրների ղեկավարների ներկայությամբ, Ալիևը կրկին սպառնացել է Հայաստանին
Քաղաքականություն
14.10.2022 | 17:32
Ադրբեջանի նախագահ Իլհամ Ալիևն Աստանայում ԱՊՀ երկրների ղեկավարների գագաթնաժողովում, որին մասնակցել են նաև ՀԱՊԿ անդամ երկրների ղեկավարներ, կրկին սպառնացել է Հայաստանին։
«Ռուսաստանի միջնորդությամբ 2020թ. նոյեմբերին ընդունվեց եռակողմ հռչակագիր։ Ադրբեջանը հռչակագրի բոլոր կետերը կատարում է, այդ թվում՝ ապահովում է Հայաստանից դեպի Ղարաբաղ անարգել մուտքը։ Հայաստանը հռչակագրի իր մասը չի կատարում։ Մասնավորապես՝ չի ապահովում Ադրբեջանի հիմնական մասից անարգել մուտք դեպի Նախիջևանի Ինքնավար Հանրապետություն, ինչը նրա իրավական պարտավորությունն է, ինչպես նաև մինչ օրս հայկական զինված ուժերը դուրս չի բերել ադրբեջանական տարածքից»,- ադրբեջանական լրատվամիջոցների հաղորդմամբ՝ հայտարարել է Ալիևը։
Նա նշել է, որ Ադրբեջանը «դեռ համբերություն է դրսևորում, բայց այն անսահման չէ»։
«Եթե եռակողմ հայտարարության այդ երկու կետերը չկատարվեն, մեզ չի մնում այլ ընտրություն, քան ադեկվատ գործելը»,-ասել է Ալիևը՝ ըստ ամենայնի, նկատի ունենալով ռազմական հարձակումները Հայաստանի կամ Արցախի դեմ։
Նա կրկին ադրբեջանական թեզն է կրկնել, թե Բաքուն չի պատրաստվում Արցախի հարցը քննարկել որևէ մեկի հետ, քանի որ դա «Ադրբեջանի ներքին գործն է»։
Ըստ նրա՝ «Ղարաբաղի հայերի իրավունքների ու անվտանգության հարցերն ապահովվելու են Ադրբեջանի սահմանադրությանը համապատասխան»։
Էմմա Չոբանյան
