21.04.2026 | 17:45
Ադրբեջանը չի ապահովել Լեռնային Ղարաբաղի հակամարտությունից տուժած անձանց պաշտպանությունը. Amnesty International
Ժապարովն ԱՊՀ երկրներին կոչ է արել հարգել Համագործակցության անդամ երկրների տարածքային ամբողջականությունը
Քաղաքականություն
14.10.2022 | 18:50
Ղրղզստանի նախագահ Սադիր Ժապարովն Աստանայում կայացած գագաթնաժողովում ԱՊՀ երկրներին կոչ է արել հարգել Համագործակցության անդամ երկրների տարածքային ամբողջականությունը։ Այս մասին ՌԻԱ Նովոստիին հայտնել են երկրի ղեկավարի մամուլի ծառայությունում։
«Սադիր Ժապարովը նշել է, որ Համագործակցության ստեղծման հիմնարար և անսասան սկզբունքը դրված է այն ձևակերպմամբ, որ մասնակից պետությունների միջև բարեկամության, բարիդրացիության և փոխշահավետ համագործակցության հետագա զարգացումն ու ամրապնդումը համապատասխանում են ժողովուրդների հիմնարար ազգային շահերին և ծառայում խաղաղությանն ու անվտանգությանը։ Երկրի ղեկավարն առանձնակի ընդգծել է այնպիսի կարևոր սկզբունքներ, ինչպիսին են հարգանքը միմյանց տարածքային ամբողջականության և առկա սահմանների անձեռնմխելիության նկատմամբ։ Սա կարևորագույն համաձայնագրերից մեկն է, որն այսօրվա հարաբերությունների առանցքային հիմքն է»,- հայտնել են մամուլի ծառայության ներկայացուցիչը։
«Երկրի ղեկավարը հավելել է, որ 2023 թվականի հունվարի 1-ից ԱՊՀ նախագահությունը կստանձնի Ղրղզստանը: Ղրղզստանն իր նախագահության ընթացքում մշտապես մեծ ուշադրություն կդարձնի ԱՊՀ անդամ երկրների միջև բարիդրացիական և վստահության հարաբերությունների ամրապնդմանը՝ հիմնված միմյանց շահերը հարգելու վրա՝ ԱՊՀ տարածքում բազմամակարդակ ինտեգրացիոն կառույցների ընդլայնմամբ ու խորացող փոխգործակցությամբ»,- հավելել են մամուլի ծառայությունում։
Տաթև Ֆռանգյան
