01.11.2026 | 14:44
«Արենի-1» քարայրը ներառվել է ՅՈՒՆԵՍԿՕ-ի Համաշխարհային ժառանգության նախնական ցանկում
Թուրքիայում գազային հանգույցի ստեղծման համար ռուս-թուրքական բանակցությունները կսկսվեն հաջորդ շաբաթ
Քաղաքականություն
14.10.2022 | 23:30
Ռուսաստանի և Թուրքիայի ներկայացուցիչների միջև գազային հանգույցի ստեղծման շուրջ բանակցությունները կսկսվեն հաջորդ շաբաթ: Այս մասին ՌԻԱ Նովոստիին հայտնել է Անկարայում դիվանագիտական աղբյուրը։
«Երկու երկրների առաջնորդները համապատասխան գերատեսչություններին հանձնարարել են շատ արագ սկսել քննարկումները, ուսումնասիրել այս գաղափարի հնարավորությունները։ Արդեն հաջորդ շաբաթ մենք կսկսենք բանակցությունները, առաջիկայում վայրը կորոշվի»,- ասել է լրատվամիջոցի զրուցակիցը։
Այս շփումների արդյունքների հիման վրա երկու երկրների նախագահները, որոնք անձամբ են վերահսկելու գործընթացը, կստանան մանրամասն հաշվետվություն։
«Այդ կապակցությամբ ակնկալվում է, որ առաջնորդների հեռախոսային դիվանագիտությունը կշարունակվի»,- ասել է աղբյուրը։
Հավելենք, որ նախօրեին Աստանայում տեղի է ունեցել Թուրքիայի նախագահ Ռեջեփ Թայիփ Էրդողանի ու ՌԴ նախագահ Վլադիմիր Պուտինի հանդիպումը, որի ընթացքում ռուսական կողմը Անկարային առաջարկել է գազային հանգույց ստեղծել Եվրոպա մատակարարումների համար։ Պուտին-Էրդողան հանդիպումից հետո ՌԴ նախագահի մամուլի խոսնակ Դմիտրի Պեսկովը հայտարարել էր, թե երկու նախագահները հանձնարարել են մանրամասն ու շատ արագ մշակել գազային հանգույցի ստեղծման հարցը։
Էմմա Չոբանյան
