01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Վրաստանը կանգնած է Ուկրաինայի կողքին. Զուրաբիշվիլին՝ ՄԱԿ-ի բանաձևի մասին
Քաղաքականություն
13.10.2022 | 20:53
Վրաստանի նախագահ Սալոմե Զուրաբիշվիլին, արձագանքելով Ուկրաինային աջակցող ՄԱԿ-ի բանաձևի ընդունմանը, ասել է, որ Վրաստանը կանգնած է Ուկրաինայի կողքին։ Այս մասին գրում է Aliq Media-ն։
«Ահա թե ինչ տեսք ունի համաշխարհային համերաշխությունը։ Վրաստանն այս համերաշխության մի մասն է»,- նշել է Զուրաբիշվիլին։
Ի դեպ, ՄԱԿ-ի Գլխավոր ասամբլեայի արտահերթ նստաշրջանում 143 կողմ, 5 դեմ ձայներով քվեարկվել է բանաձև, որը դատապարտում է ուկրաինական տարածքների միացումը Ռուսաստանին։ Բանաձևին դեմ են քվեարկել Ռուսաստանը, Բելառուսը, Հյուսիսային Կորեան, Սիրիան և Նիկարագուան։ Ձեռնպահ է քվեարկել 35 անդամ պետություն։
Բանաձևին կողմ է քվեարկել նաև Վրաստանը։
