05.10.2026 | 20:45
Մուսաևը՝ գերիների դիմաց․ չբացառվող սցենար, բայց դատավարությունից հետո․ ՏԵՍԱՆՅՈՒԹ
Գրիգորյանը հանդիպել է ՆԱՏՕ-ի կապավորի հետ․ Բրյուսովի համալսարանում դասադուլ է․ Լուրեր
Քաղաքականություն
12.10.2022 | 16:06
- Հայ զինծառայողների խոշտանգման նոր տեսանյութում երևացող զինվորները նույնականացված են, նրանցից մեկը սպանվել է, երկուսը վիրավորվել են։ Այս մասին հայտնել է ՄԻԵԴ-ում հայ ռազմագերիների իրավունքների պաշտպանությամբ զբաղվող իրավապաշտպան Սիրանուշ Սահակյանը: Նրա խոսքով՝ տելեգրամյան ալիքներում տարածված տեսանյութը նոր է, դեպքը տեղի է ունեցել սեպտեմբերյան հարձակման օրերին Վերին Շորժայի դիրքերից մեկի բունկերում։
- ԱԽ քարտուղար Արմեն Գրիգորյանը հանդիպել է Վրաստանում ՆԱՏՕ-ի Կապի գրասենյակի ղեկավար Ալեքսանդր Վիննիկովի հետ: Գրիգորյանը ներկայացրել է սեպտեմբերի 13-ին ադրբեջանական զորքերի ձեռնարկած լայնածավալ ագրեսիան և դրա լայն աշխարհաքաղաքական համատեքստը: Զրուցակիցները քննարկել են ՀՀ-ՆԱՏՕ գործընկերության ընթացիկ ծրագրերը, ինչպես նաև նախանշել զինված ուժերի ժողովրդավարական բարեփոխումներում համագործակցության խորացման հնարավորությունները:
- Վալերի Բրյուսովի անվան պետական լեզվաբանական համալսարանում դասադուլ է: Համալսարանի ռեկտոր Կարինե Հարությունյանը հայտնել է, որ հոկտեմբերի 11-ին են իմացել կառավարության որոշման նախագծի մասին, որով Հայաստանի ֆիզիկական կուլտուրայի և սպորտի պետական ինստիտուտն ու Վալերի Բրյուսովի համալսարանը միավորվելու են Մանկավարժական համալսարանին: Ռեկտորը հայտնել է, որ այժմ ստորագրահավաք են անում և դիմելու են ԿԳՄՍ նախարարությանը։
Այս ժամի լուրերը՝ տեսանյութում։
