06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Եթե Լելե-Թեփեի օպերացիան հաջողությամբ պսակվեր, մեզ համար շատ լավ կլիներ. պատերազմի հրամանատար․ ՏԵՍԱՆՅՈՒԹ
Հասարակություն
11.10.2022 | 16:47
Երևանի ընդհանուր իրավասության դատարանում այսօր դատավոր Ջոն Հայրապետյանի նախագահությամբ ընթանում է պատերազմի ժամանակ մարտական դիրքը լքելու համար մեղադրվող հրամանատար Իշխան Վահանյանի գործով դատական նիստը։
Այս նիստի ընթացքում հարցաքննվեց վկա՝ դիվիզիայի հրամանատար Կարեն Առուստամյանը։
«Եթե Լելե-Թեփեի օպերացիան հաջողությամբ պսակվեր, մեզ համար շատ լավ կլիներ»,-ընդգծեց վկան։
Նշենք, որ Առուստամյանը դատարանին հայտնեց, որ Իշխան Վահանյանին ճանաչում է, ծառայել են Արցախի միևնույն պաշտպանական շրջանում և ծառայողական հարաբերությունների մեջ են եղել։
Ըստ վկայի՝ հոկտեմբերի 10-ին հակառակորդը դիվերսիոն խմբերի միջոցով ներթափանցումներ է իրականացրել ոչ միայն Հադրութի ուղղությամբ․ «Եղել են նաև այնպիսի դիվերսիոն խմբեր, որոնք հայկական համազգեստներ են կրել։ Նաև խոսել են հայերեն, ինչպես հետո պարզվել է։
«Մարտական գործողությունների ակտիվ փուլն ամսի տասին է սկսվել, որից հետո ստորաբաժանումները, կրելով կորուստներ Նորաշենի, Սարիշենի, Խուռհատի ուղղություններով, նահանջել են «Թութակ» տեղամաս։ Ինձ այդքանն է հայտնի։
Որոշ ժամանակ անց պարզվել է, որ Իշխան Վահանյանը վիրավորում ստանալով կամ այդ պատրվակով, ես չեմ կարող ասել, թողել է այդ տեղանքը և հայտվել է հոսպիտալում
Ավելի ուշ տեղեկացել եմ, որ շրջապատման մեջ ունեցել ենք զինվորներ, որոնք զոհվել են»,- նշեց Առուստամյանը։
Մանրամասները՝ տեսանյութում։
