08.08.2026 | 13:57
Վթարային ջրանջատում` Երևանի Շենգավիթ վարչական շրջանում
Վիրավորվելու պատրվակով հրամանատարը թողել է դիրքն ու իջել հոսպիտալ. վկա զինծառայող․ ՏԵՍԱՆՅՈՒԹ
Հասարակություն
11.10.2022 | 15:22
Երևանի ընդհանուր իրավասության դատարանում այսօր դատավոր Ջոն Հայրապետյանի նախագահությամբ ընթանում է պատերազմի ժամանակ մարտական դիրքը լքելու համար մեղադրվող հրամանատար, մայոր Իշխան Վահանյանի գործով դատական նիստը։
Այս նիստի ընթացքում հարցաքննվեց վկա՝ դիվիզիայի հրամանատար Կարեն Առուստամյանը։ Նա դատարանին հայտնեց, որ Իշխան Վահանյանին ճանաչում է, ծառայել են Արցախի միևնույն պաշտպանական շրջանում և ծառայողական հարաբերությունների մեջ են եղել։
«Հոկտեմբերի 10-ին հակառակորդը դիվերսիոն խմբերի միջոցով ներթափանցումներ է իրականացրել ոչ միայն Հադրութի ուղղությամբ․ «Եղել են նաև այնպիսի դիվերսիոն խմբեր, որոնք հայկական համազգեստներ են կրել։ Նաև խոսել են հայերեն, ինչպես հետո պարզվել է։
Մարտական գործողությունների ակտիվ փուլն ամսի տասին է սկսվել, որից հետո ստորաբաժանումները, կրելով կորուստներ Նորաշենի, Սարիշենի, Խուռհատի ուղղություններով, նահանջել են «Թութակ» տեղամաս։ Ինձ այդքանն է հայտնի։
Որոշ ժամանակ անց պարզվել է, որ Իշխան Վահանյանը իրականում վիրավորում ստանալով կամ այդ պատրվակով, ես չեմ կարող ասել, թողել է այդ տեղանքը՝ դիրքը և հայտվել է հոսպիտալում։
Ավելի ուշ տեղեկացել եմ, որ շրջապատման մեջ ունեցել ենք զինվորներ, որոնք զոհվել են»,- ասաց վկա զինծառայողը։
Մանրամասները՝ տեսանյութում։
