08.12.2025 | 09:46
Արթիկում, Վարդենյաց լեռնանցքում և «Մեղրու սար» կոչվող հատվածում ձյուն է տեղում
Արցախում խոշոր ցույցեր են, ԼՂ նախագահը կգա Երևան. Փարիզը կքննարկի Բաքվի դեմ սանկցիաների հարցը. Լուրեր
Քաղաքականություն
10.10.2022 | 13:15
- Արցախի նախագահ Արայիկ Հարությունյանի գլխավորությամբ Ստեփանակերտից պատվիրակություն է գալու Երևան՝ ՀՀ իշխանությունների հետ քննարկելու Արցախի և ՀՀ շուրջ ստեղծված իրավիճակը: Այցի օրակարգային հարցը լինելու է հոկտեմբերի 6-ի Պրահայի քառակողմ հայտարարությունը, ըստ որի՝ Հայաստանի ու Ադրբեջանի ղեկավարները հաստատել են, որ ճանաչում են միմյանց տարածքային ամբողջականությունն ու ինքնիշխանությունը:
- Մինչ այդ Արցախում կիրակի երեկոյան ավելի մեծ թափով հանրահավաք է տեղի ունեցել Ստեփանակերտի Վերածննդի հրապարակում։ Հավաքվածները փակել են նախագահական նստավայրի մուտքը: Նրանք պահանջում են, որ նախագահ Արայիկ Հարությունյանը դուրս գա եւ պատասխանի իրենց հարցերին։ Ցույցը շարունակվելու է նաև այսօր։
- Ֆրանսիայի խորհրդարանում կքննարկվի Ադրբեջանի դեմ պատժամիջոցներ սահմանելու հարց։ Մասնավորապես նոյեմբերի 15-ին Ֆրանսիայի Սենատի օրակարգում է լինելու Հայաստանի օկուպացված տարածքներից ադրբեջանական զինուժի անհապաղ դուրսբերման, 2020 թվականի նոյեմբերի 9-ի հրադադարի կատարումն ապահովելու և Ադրբեջանի դեմ պատժամիջոցներ սահմանելու պահանջով բանաձև։
Այս ժամի լուրերը՝ տեսանյութում։
