Հիբրիդային հարձակումների դեմ պետք է պայքարել պետական և մասնավոր սեկտորով․ Աննա Նաղդալյան․ ՏԵՍԱՆՅՈՒԹ

Հիբրիդային պատերազմներն օգտագործում են հասարակությունում առկա քաղաքական, տնտեսական, սոցիալական, տեղեկատվական և ենթակառուցվածքային խոցելիությունը: ՀՀ-ի պարագայում միացել է պետական գերատեսչությունների նկատմամբ հանրության վստահության անկումը»,- Հիբրիդային պատերազմ․ տեղեկատվական դիվերսիաների թիրախներն ու դրա դեմ պայքարի քայլերը» թեմայով քննարկման ժամանակ այս մասին ասաց Միջազգային հանրապետական ինստիտուտի ծրագրի ղեկավար Աննա Նաղդալյանը: Նրա դիտարկմամբ՝ ընդհանրապես հայ հասարակությունում այժմ կա պետական քաղաքականության, ինչպես նաև մեդիավստահության անկում:

Նաղդալյանի դիտարկմամբ՝ պետք է հասնել նրան, որ կառավարությունն ունենա միասնական վստահելի կերպար և առանձնանա իր պրոֆեսիոնալիզմով. «Անկախ նրանից, թե կառավարության որ պաշտոնյան ինչ հայտարարություն է անում, հանրության ընկալմամբ դա ընդհանրացվում է՝ որպես կառավարության հայտարարություն: Հանրությունը կառավարությանը մեկ ամբողջություն է դիտարկում, և այս օղակներից որևէ մեկի թուլությունը, կառավարությանը խոցելի է դարձնում»:

Բանախոսի խոսքով՝ հիբրիդային պատերազմում կիրառում են պայքարի ոչ ավանդական մեթոդները, ուստի դրա դեմ ուղղված քայլերն էլ պետք է նաև լինեն ոչ ավանդական: Այս հարցում պետությանը պետք է օգնի մասնավոր սեկտորը:

«Հիբրիդային հարձակումները համակարգված ու սինքրոնիզացված են: Դրա պատասխանը ևս պետք է այդպիսին լինի: Պետք հստակ մեխանիզմներ մշակվեն, և դրանք չպետք է վերցնել որևէ երկրի մեխանիզմներից և արտատպել, այլ պետք է տեղում աճեցված մեխանիզմներ գրվեն և դրանք պարբերաբար փորձարկվեն»,- նշեց Նաղդյանը։

Մանրամասները՝ տեսանյութում։