02.11.2026 | 09:44
«Արարատ-Արմենիան»՝ ՀՖՖ արտահերթ ժողովի մասին. «Ակումբները չեն եղել ո՛չ նախաձեռնողները, ո՛չ էլ նախագիծը պատրաստողները»
Կուտական համայնքի ղեկավարը՝ սահմանին տիրող իրավիճակի մասին
Քաղաքականություն
07.10.2022 | 11:17
Արդեն հայտնել էինք, որ Գեղարքունիքի մարզի Կուտական համայքի մերձակա դիրքերի ուղղությամբ ադրբեջանական կողմը այսօր առավոտյան ժամը 9։00-ից կրակ է բացել։ Տեղեկությունը Factor.am-ի հետ զրույցում հաստատեց վարչական ղեկավար Մակիչ Թովմասյանը։ Նա ասաց, որ այս պահին իրավիճակը հանգիստ է, բայց պարբերաբար կրակում են։
«Կրակում են, բայց ոչ անընդմեջ, փոքր տրամաչափի զինատեսկաներից են կրակում։ Փոխհրաձգություն է, բարեբախտաբար, վիրավորներ չունենք»,-ասաց Թովմասյանը։ Նա տեղեկացրեց, որ վերջին 5-6 օրվա ընթացքում կրակոցներ չկային։ Նա հայտնեց, որ սեպտեմբերի 13-ին կանանց ու երեխաներին գյուղից դուրս են հանել։ «Ցերեկային ժամերին գալիս են, երեկոյան՝ գնում»,- նշեց համայնքապետը։
Պաշտպանության նախարարությունը մինչ այս պահը պաշտոնական հաղորդագրություն չի տարածել։
Արփի Հակոբյան
