05.01.2025 | 21:53
Մատուցվեց Սուրբ ծննդյան ճրագալույցի պատարագ․ ԼՈՒՍԱՆԿԱՐՆԵՐ
«ՀՀ-ն ճանաչել է Ղարաբաղը Ադրբեջանի կազմում․ դրա հեղինակը Քոչարյանն ու Օսկանյանն են»․Փաշինյան
Քաղաքականություն
05.10.2022 | 17:28
Ես հասկացա, որ մարդիկ կան, որոնք մեզ մեղադրում են Ղարաբաղն Ադրբեջանի կազմում ճանաչելու մեջ։ Էլի հստակ ասեմ։ Արդյոք ՀՀ որևէ իշխանություն Ղարաբաղը ճանաչե՞լ է Ադրբեջանի կազմում։ Ո՞րն է եղել։ Այո, ՀՀ-ն Ղարաբաղն Ադրբեջանի կազմում ճանաչել է, և դա իրականացվել է ձեր հիշատակած Վարդան Օսկանյանի հեղինակությամբ»,- այսօր Կառավարություն-ԱԺ հարցուպատասխանի ժամանակ նշեց վարչապետ Նիկոլ Փաշինյանը՝ անդրադառնալով Վարդան Օսկանյանի հրապարակած հոդվածին՝ ասաց վարչապետ Նիկոլ Փաշինյանը։
«Այն պահին, երբ ՀՀ-ն ընդունել է «մադրիդյան սկզբունքները» որպես բանակցությունների հիմք, այդ պահից ճանաչել է Ղարաբաղն Ադրբեջանի կազմում»,- նշեց Փաշինյանը։
Փաշինյանը պնդեց, որ այս մասին ԱԺ ամբիոնից մի ժամ ելույթ է ունեցել և որևէ բովանդակային հակադարձում չի լսել․ «Մեկը չի ասել՝ չէ, ուստի հիմա պետք չի հիստերիկ հայտարարություններ անել։ Ավելին՝ Վարդան Օսկանյանն է հրապարակային ՀՀ-ին ճանաչել օկուպանտ։ ՀՀ-ն Օսկանյանի և իր ղեկավարի այս երկու գործողությունները չի կարողացել հաղթահարել մինչև այսօր։ Հիմա փորձում ենք կառավարել այդ հայտարարության հետևանքները, որովհետև այդ ժամանակ ոչ թե Օսկանյանն ու Ռոբերտ Քոչարյանն են Ղարաբաղը ճանաչել Ադրբեջանի մաս, այլ ՀՀ-ն։ Դա եղել է 2007-ին, և դա եղել է իշխանության փոխանցման կոմբինացիայի մաս»։
Ըստ Փաշինյանի՝ Սերժ Սարգսյանը և Էդվարդ Նալբանդյանը նույնպես Ղարաբաղը ճանաչել են Ադրբեջանի մաս․ «Ռոբերտ Քոչարյանն է Ղարաբաղը ճանաչել Ադրբեջանի մաս՝ այն դուրս թողնելով բանակցային գործընթացից՝ 99թ․-ին վավերացնելով Ստամբուլյան խարտիան…այդ ո՞ւմ վրա են ինչ ուզում բարդել»։
Մանրամասները՝ տեսանյութում։
