Փաշինյանը Վլադիվոստոկում մերժել է Պուտինի՝ Միութենական պետություն մտնելու առաջարկը, ապա Ադրբեջանը հարձակվել է․ Դավիթ Ստեփանյան․ ՏԵՍԱՆՅՈՒԹ

Լուրեր

22.11.2026 | 10:58
Վարդենյաց լեռնանցքում ձյուն է տեղում, հանրապետության մի շարք շրջաններում՝ անձրև
22.11.2026 | 10:42
Նոյեմբերի 22-ին Մեղրի քաղաքի և Արարատ գյուղի մի շարք հասցեներում ջուր չի լինի
22.11.2026 | 10:12
Քարի լիճ տանող ճանապարհը փակ է, Լարսը՝ բաց բոլոր տեսակի տրանսպորտային միջոցների համար
22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
Բոլորը

Կրեմլի խոսնակ Դմիտրի Պեսկովը «հերթական անհեթեթություն» է անվանել Նիկոլ Փաշինյանի ընտանիքին պատկանող ՀԺ-ում հապարակված հոդվածի այն մասը, որտեղ նշված է․ «Ռուսաստանը Հայաստանից համարյա ուզում է այն, ինչ ուզում է Ուկրաինայից, որ այն դառնա «Ռուսաստան-Բելառուս» Միութենական պետության կամ Ռուսաստանի մաս։ Ու եթե Ուկրաինայի դեպքում նման արդյունքի համար ՌԴ-ն օգտագործում է ռուսական և, գուցե, բելառուսական զորքերը, Հայաստանի դեպքում օգտագործում է Ադրբեջանի և որոշ չափով էլ՝ ՀՀ-ում տեղակայված ռուսական զորքերը»։

Միջազգային և անվտանգության հարցերի հայկական ինստիտուտի ասոցացված փորձագետ Դավիթ Ստեփանյանը Factor TV-ին տված հարցազրույցում ասում է, որ Դմիտրի Պեսկովը ստում է, իրականում ՌԴ նախագահն առաջարկ արել է ՀՀ ղեկավարությանը՝ Միութենական պետության մաս դարձնելու ՀՀ-ն։

«Պեսկովը ստում է։ «Հայկական ժամանակ»-ում գրվածը 100 տոկոսով համապատասխանում է իրականությանը։ Միութենական պետությանն անդամակցելու առաջարկը հնչել է Վլադիվոստոկում, երբ Փաշինյանը վերջերս գնացել է այնտեղ։ Միգուցե մինչ այդ էլ է հնչեցվել, չգիտեմ, բայց այն, որ դրա մասին խոսվել է նաև Վլադիվոստոկում, փաստ է։ Պուտինն առաջարկել է Փաշինյանին՝ ՀՀ-ն մտցնել Միութենական պետություն, Փաշինյանը մերժել է», պնդում է Դավիթ Ստեփանյանը։

Ըստ փորձագետի՝ Հայաստանի կողմից մերժմանը հետևել է սեպտեմբերի 13-ին ադրբեջանական հարձակումը ՀՀ սահմանների վրա, որի ժամանակ հայկական կողմը գրեթե 200-ի հասնող զոհեր տվեց։ Դավիթ Ստեփանյանն այստեղ ընդգծում է ՌԴ-ի ոչ ադեկվատ պահվածքի փաստն ադրբեջանական հարձակմանը, երբ Մոսկվան չդատապարտեց ՀՀ-ի վրա հարձակումը, անգամ չընդունեց, որ Ադրբեջանն է ագրեսոր կողմը, որ ներխուժել է ՀՀ սուվերեն տարածքներ։

Հիշեցնենք, որ ՀՀ վարչապետի ընտանիքին պատկանող ՀԺ-ում Միութենական պետություն մտնելու՝ ՀՀ-ին ուղղված պարտադրանքի վերաբերյալ շարադրանքում հրապարակվել է նաև հետևյալ տեղեկատվությունը․ «Ռուսաստանի գործողությունների իմաստը հետևյալն է՝ ցույց տալ Հայաստանի անվտանգային խոցելիությունը, որպեսզի վերջինս րոպե առաջ դիմի «Ռուսաստան-Բելառուս» միութենական պետության մաս դառնալու համար։ Այս տրամաբանությունը զարգացնելու քայլերը Ադրբեջանի ագրեսիվությունն է, ՀՀ-ում տեղակայված ռուսական զորքի իներտությունը, Ռուսաստանի քաղաքական իներտությունը և Հայաստանին զենքի մատակարարման պարտավորությունները չկատարելը։ Վերջին գործիքի կիրառումը պատահական չէ և օգտագործվել է նաև նախկինում, զորօրինակ՝ 2016-ի պատերազմից առաջ և հետո։ Հայաստանը պետք է հնարավորինս խոցելի լինի, որ հնարավորինս պինդ գրկի Ռուսաստանին»։

Դավիթ Ստեփանյանն այս փաստով է պայմանավորում ՌԴ-ի կոչերի անադեկվատությունն ադրբեջանական ագրեսիային․ «Ես այստեղ նոր բան չեմ տեսնում, և այս ամենը միանշանակ համապատասխանում է իրականությանը։ Ես կուզենայի նշել, որ վարչապետի կողմից գրագետ քայլ է արվում, երբ հրապարակվում է այդ ինֆորմացիան։ Ես կարծում եմ՝ դա շուտվանից պետք է արվեր, քանի որ Փաշինյանին մեղադրում են, թե նա ՀՀ-ն ծախում է, թուրքի ագենտ է և այլն։ Այդ հիմարությունները նույնիսկ չեմ ուզում կրկնել։ Խաղաքարտերը բացվում են իրականում։ Մեր ղեկավարությունն իրականում պայքար է մղում ՀՀ-ի անկախության և ինքնիշխանության համար, միգուցե՝ ժամանակ առ ժամանակ ոչ այնքան գրագետ և ոչ հմուտ, բայց պայքարը գնում է։ Երկերեսանիություն կլինի, եթե ասենք, որ դա սուտ է»։

Ուկրաինայի դեմ պատերազմում պարտվող ՌԴ-ի կողմից ՀՀ-ին ուղղված պարտադրանքը՝ մտնել Միութենական պետություն, ըստ փորձագետի՝ ևս մեկ անգամ փաստում է, որ անվտանգային ճգնաժամում գտնվող ՀՀ-ն չունի ժամանակ, և իշխանությունները շատ կոնկրետ քայլեր պիտի ձեռնարկեն՝ Արևմուտքի հետ գործակցությունը խորացնելու համար։ Ըստ նրա՝ ՀՀ-ն պետք է գործի Հարավային Կովկասում ԱՄՆ-ի գործողություններին և շահերին համապատասխան, որն է՝ ՌԴ-ին տարածաշրջանից հեռացնելը։ Այդ ուղղությամբ քայլ անելու պարագայում, ըստ Ստեփանյանի, ՀՀ-ն ԱՄՆ-ից կստանա անվտանգային երաշխիքներ՝ պետք կլինի ԱՄՆ-ի հետ կնքել անվտանգության երաշխավորման պայմանագիր, և նպատակադրվել ժամանակի ընթացքում դառնալ ՆԱՏՕ-ի անդամ․ «Անվտանգությունն ունի գին, և ՀՀ-ն պետք է վճարի այդ գինը»։

Հարցազրույցն ամբողջությամբ՝ տեսանյութում։

Ռոբերտ Անանյան