16.09.2026 | 10:44
Եվրահանձնաժողովն իր զեկույցում անդրադարձել է Հայաստանին․ կլինի՞ ՀՀ-ն 2027թ-ի՝ ԵՄ-ի առաջնահերթություններում
Պուտինը կարող է միջուկային փորձարկումներ իրականացնել Սև ծովում․ Times
Քաղաքականություն
04.10.2022 | 22:19
Ռուսաստանի նախագահ Վլադիմիր Պուտինը պատրաստվում է ցույց տալ միջուկային զենք կիրառելու իր պատրաստակամությունը՝ փորձարկելով դրան։ Այս մասին գրում է բրիտանական The Times թերթը՝ վկայակոչելով ՆԱՏՕ-ի հետախուզական աղբյուրները։
Միջազգային փորձագետները, որոնց մեջբերում է պարբերականը, կարծում են, որ Պուտինը կարող է միջուկային զենք փորձարկել Սև ծովում։ Times-ի բարձրաստիճան զինվորական աղբյուրը մատնանշում է, որ եթե Պուտինը նախընտրի մարտի դաշտում օգտագործել նման զենքեր, նա զգալի ռիսկերի կբախվի:
Այլ աղբյուրների համաձայն՝ ՆԱՏՕ-ն հետախուզական զեկույց է ուղարկել իր դաշնակիցներին, որ Ռուսաստանը կարող է փորձարկել Poseidon անօդաչու ստորջրյա մեքենան, որը կարող է միջուկային զենք կրել: Կ-329 «Բելգորոդ» միջուկային սուզանավը շարժվում է դեպի Արկտիկա, ասվում է զեկույցում։ Իտալական La Repubblica թերթի փոխանցմամբ էլ՝ Poseidon-ը պատրաստվում են փորձարկել Կարմիր ծովի տարածքում։
«Միջուկային հռետորաբանության շատ զորավարժություններ կան, մենք չենք ցանկանում դրանց մասնակցել»,- The Times-ին մեկնաբանել է Կրեմլի խոսնակ Դմիտրի Պեսկովը։
Տաթև Ֆռանգյան
