06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Դավիթ Տոնոյանի պաշտպաններն ինքնաբացարկի միջնորդություն են ներկայացնելու դատավոր Վահե Դոլմազյանին․ ՏԵՍԱՆՅՈՒԹ
Հասարակություն
04.10.2022 | 12:17
Դավիթ Տոնոյանի պաշտպանները ինքնաբացարկի միջնորդություն են ներկայացնելու նրա գործը քննող դատավոր Վահե Դոլմազյանին։ Այս մասին Factor.am-ի հետ զրույցում ասաց Տոնոյանի պաշտպան Սերգեյ Հովհաննիսյանը։
Խնդիրն այն է, որ Տոնոյանի և մյուսների վերաբերյալ քրեական գործը դատավոր Վահե Դոլմազյանին մակագրվել է ոչ թե համակարգչային ծրագրով, այլ ձեռքով։ Պաշտպանն ասում է՝ իրենք դատավոր Վահե Դոլմազյանի անձի հետ կապված խնդիր չունեն, բայց միևնույն ժամանակ հիշեցնում, որ դատավոր Դոլմազյանը ոչ վաղ անցյալում մեղադրող է եղել։
Նշենք, որ Վահե Դոլմազյանը Հակակոռուպցիոն դատարանի կոռուպցիոն հանցագործությունների վերաբերյալ վարույթներով դատավոր է նշանակվել 2022 թվականի օգոստոսի 8-ին։ Մինչ այդ եղել է դատախազ։ Հանրությանն առավել հայտնի է որպես ԱԺ նախկին պատգամավոր, գեներալ Մանվել Գրիգորյանի և կնոջ՝ Նազիկ Ամիրյանի գործով մեղադրանքը պաշտպանող դատախազ։
Մանրամասները՝ տեսանյութում։
Արաքս Մամուլյան
