07.10.2026 | 13:45
Հայաստանի հետ փաստացի խաղաղությունը դեռ չի նշանակում խաղաղության գործընթացի ավարտ․ Ալիևի ներկայացուցիչ
Ի՞նչ է նշանակում փողոցում բանակի համար ինչ-որ բան են հավաքում․ հանձնարարել եմ ճշտել՝ ում համար է․ վարչապետ․ ՏԵՍԱՆՅՈւԹ
Հասարակություն
30.09.2022 | 22:58
«Ի՞նչ է նշանակում փողոցում բանակի համար ինչ-որ բան են հավաքում․ հանձնարարել եմ ճշտեն, թե փողոցներում երիտասարդներն ինչ են հավաքում և ում համար է»,-այսօր Հանրայինի եթերում հարցազրույցի ընթացքում ասաց վարչապետ Նիկոլ Փաշինյանը՝ խոսելով օրերս զինվորներին օգնելու համար կազմակերպված հանրային միջոցառումներին։
«Ես այդ հրապարակումների վերաբերյալ պաշտպանության նախարարությունում խորհրդակցություն եմ հրավիրել, որը չի լուսաբանվել։ Նպատակը մեկն էր` ես գիտեմ, որ Հայաստանի բանակում ո՛չ քլունգի, ո՛չ բահի, ո՛չ շորի, ո՛չ կոշիկի, ո՛չ էքսկավատորի և ո՛չ էլ տրակտորի խնդիր չպետք է լինի։ Այնտեղ հարցրել եմ` արդյոք այդ պրոբլեմը կա, թե ոչ, արձանագրել ենք, որ չկա»,- նշեց Փաշինյանը։
Նրա խոսքով` 2020 թվականի 44-օրյա պատերազմից հետո հսկայական ինժեներական աշխատանք է արվել։ Վարչապետի պնդմամբ` 2022 թվականի սեպտեմբերի 13-ի սադրանքի ժամանակ հայկական բանակն ամուր կանգնել է երկրի պաշտպանության դիրքերում։ Այլ բան է, որ ուժերն անհավասար էին։
Նշենք, որ ադրբեջանական վերջին ագրեսիայից հետո բազմաթիվ երիտասարդներ չոր սնունդ, առաջին անհրաժեշտության իրեր, դեղորայք ու ծխախոտ են հավաքում, որպեսզի ուղարկեն դիրքեր։
Մանրամասն՝ տեսանյութում։
