21.02.2026 | 13:45
Ֆինն Գերագուսյանը` հաղթական գոլի հեղինակ․ ՏԵՍԱՆՅՈՒԹ
Մեր ժողովրդի ակնկալիքն այնպիսին էր, որ ռազմավարական դաշնակիցը պիտի միջամտեր․ Քոչարյան․ ՏԵՍԱՆՅՈՒԹ
Քաղաքականություն
28.09.2022 | 15:32
«Հակառուսականություը Հայաստանում արմատներ է գցել, ինչը հաստատ լավ տեղ չի տանելու»,- այս մասին այսօր հրավիրված ասուլիսում հայտարարեց ՀՀ երկրորդ նախագահ Ռոբերտ Քոչարյանը։
«Այնպիսի իրավիճակ է ստեղծվել, որ կան արգումենտներ հակռուսականությունն այստեղ առաջ տանելու համար։
Մեր ժողովրդի ակնկալիքն այնպիսին էր, որ մեր դաշնակիցը, մեր ռազմավարական գործընկեր պետությունը պիտի միջամտեր։
Պետք է ճիշտ գնահատել Ռուսաստանի հնարավորություների սահմանը այս վիճակում, այն սահմանը, որտեղ իրենք սկսում են հակասել իրենց ազգային շահերին։ Այդ ազգային շահերն իրենք են ձևակերպել, իրենք Ադրբեջանին համարում են Ռուսաստանի համար դաշնակցային պետություն, և ըստ այդմ էլ փորձում ե կառուցել հարաբերություններն Ադրբեջանի հետ։
Մենք էինք տարածաշրջանում հենարանը Ռուսաստանի համար, նաև մեր թուլանալու պատճառով այս տարածաշրջանում սկսվեց մի պրոցես՝ այստեղ ՌԴ ներկայությունն ու շահերն ավելի ամրացնելու»,- նշեց Քոչարյանը։
ՀՀ երկրորդ նախագահի խոսքով՝ այսօր հնարավոր է հակառուսական տրամադրություններ գեներացնել Հայաստանում․ «Աշխարհը փոխվելու է, շատ բան է փոխվելու, այնուամենայնիվ, Ռուսաստանը մնալու է մեր ռազմավարական գործընկերը»։
Հիշեցնենք՝ օրեր առաջ՝ սեպտեմբերի 22-ին հանդիպում էր տեղի ունեցել Ն․Ս․Օ․Տ․Տ․ Գարեգին Երկրորդ ամենայն հայոց կաթողիկոսի և ՀՀ նախագահներ Լևոն Տեր-Պետրոսյանի, Ռոբերտ Քոչարյանի, Սերժ Սարգսյանի, ինչպես նաև ԼՂՀ նախագահներ Արկադի Ղուկասյանի և Բակո Սահակյանի միջև, որի ընթացքում, ըստ հաղորդագրության՝ կայացել էր «շահագրգիռ քննարկում Հայաստանում ստեղծված իրավիճակի առնչությամբ և որոշում էր կայացվել շարունակել հանդիպումները»։
Ավելի վաղ՝ «Մոսկվա» կինոթատրոնի կարմիր դահլիճում Ռոբերտ Քոչարյանը փակ հանդիպում էր ունեցել իր մի խումբ համախոհների հետ։
Մանրամասները՝ տեսանյութում։
