08.06.2026 | 04:12
Մենք շարունակում ենք մեր հարաբերությունները սերտացնել ԵՄ-ի հետ և նաև զարգացնել ՌԴ-ի և ԵՏՆ-ի հետ․ Փաշինյան․ ՏԵՍԱՆՅՈՒԹ
Տարբեր դերակատարներ ամիսներ առաջ սկսել են նախընտրական քարոզարշավը․ Դավիթ Խաժակյան
Քաղաքականություն
23.09.2022 | 15:23
«Տարբեր դերակատարներ, այդ թվում նաև ընդդիմադիր, դեռևս ամիսներ առաջ սկսել են նախընտրական քարոզարշավը»,- այս մասին լրագրողների հետ ճեպազրույցի ընթացքում նշեց Երևանի ավագանու «Լույս» խմբակցության ղեկավար Դավիթ Խաժակյանը՝ անդադառնալով Երևանի ավագանու հաջորդ ընտրություներին, որը կկայանա 2023 թվականի աշնանը։
«Թերթերի մի մասը գրում է, որ Արթուր Վանեցյանն է լինելու թեկնածու, մյուս մասը Լևոն Քոչարյանի մասին է գրում։ Բոլորն ասում են՝ չենք բացառում, բայց նման քննարկումներ դեռ չենք ունեցել»,- նշեց Խաժակյանը։
Անդրադառնալով դիտակմանը, որ ՔՊ-ն հայտարարել է, որ Երևանի քաղաքապետի իր թեկնածուն Տիգրան Ավինյանն է, Խաժակյանը նշեց․ «Տվյալ քաղաքական ուժն է որոշում՝ հանրայնացնել՝ իրենց թեկնածուն ով է, թե ոչ։ Եթե ընդդիմադիր ուժերը չեն հայտարարում, թե ով է իրենց թեկնածուն, դա չի նշանակում, որ իրենք թեկնածու չունեն։ Իրենք իրենց քաղաքական հաշվարկներն ունեն»։
Խաժակյանը հավելեց, որ «Լուսավոր Հայաստանը» ևս մասնակցելու է հաջորդ քաղաքային ընտրություններին և «Լուսավոր Հայաստան»-ի ցուցակն ինքն է գլխավորելու։
Մանրամասները՝ տեսանյութում։
