27.07.2026 | 21:13
Նեթանյահուն հայտարարել է, որ Վաշինգտոնում իր օրակարգի գլխավոր առաջնահերթությունն Իրանն է
Ընտրությունների վերաբերյալ մեկնաբանություններին չեմ անդրադառնա, եկել եմ որպես փոխքաղաքապետ աշխատելու․ Ավինյան․ ՏԵՍԱՆՅՈՒԹ
Քաղաքականություն
23.09.2022 | 13:43
Ընտրությունների վերաբերյալ մեկնաբանություններին չեմ ցանկանում անդրադառնալ, եկել եմ որպես փոխքաղաքապետ աշխատելու․ Երևանի ավագանու արտահերթ նիստից հետո լրագրողների հետ ճեպազրույցում այս մասին նշեց ՀՀ նախկին փոխվարչապետ, նորընտիր փոխքաղաքապետ Տիգրան Ավինյանը՝ անդրադառնալով քննադատությանը, թե ժամանակից շուտ քարոզարշավ է սկսվել, և առաջիկա մեկ տարվա ընթացքում ինչ դրական աշխատանք էլ անի քաղաքապետարանը վերագրվելու է նորընտիր փոխքաղաքապետին։
«Ես կենտրոնանալու եմ փոխքաղաքապետի գործառույթների իրականացման վրա, և ես եկել եմ աշխատելու այն ուղղություններով, որոնք իմ համակարգման ոլորտում են։ Ընտրությունների մասին խոսելն այս պահին ժամանակավրեպ է և կարևոր չէ»,- նշեց Ավինյանը։
Նշենք, որ Երևանի ավագանու հաջորդ ընտրություները կկայանան 2023 թվականի աշնանը։
Երևանը ղեկավարելու հայտ են ներկայացրել ՀՀ նախկին փոխվարչապետ Տիգրան Ավինյանը, Երևանի Ավագանու «Լույս» խմբակցության ղեկավար Դավիթ Խաժակյանը, երգիչ-երգահան Ռուբեն Հախվերդյանը, հայտնի գործարար, ԱԺ նախկին պատգամավոր Տիգրան Արզաքանցյանի ռուս կինը՝ Նատալյա Ռոտենբերգը։
Մանրամասները՝ տեսանյութում։
