Քաղաքականություն
22.09.2022 | 19:30
Ամերիկյան բարձրագույն հրամանատարությունն իրատեսական է համարում ուղղակի միջուկային հակամարտության հնարավորությունը, և դա պահանջում է պատերազմի վարման մոտեցումների վերանայում։ Այս մասին հայտարարել է ԱՄՆ ռազմավարական հրամանատարության ղեկավար, ծովակալ Չարլզ Ռիչարդը, հաղորդել է Պենտագոնի մամուլի ծառայությունը։
Ելույթ ունենալով հարձակման տակ գտնվող Ամերիկայի՝ հայրենիքի պաշտպանության մասին թեմայով քննարկմանը, ծովակալը նշել է, որ քննարկումը նվիրված էր «միջուկային պետության հետ հնարավոր ուղղակի միջուկային հակամարտությանը»:
«Ավելի քան 30 տարի մենք ստիպված չենք եղել դա անել: Դրա հետևանքները խորն են, դրանք կարևոր են երկրի պաշտպանության համար, կարևոր են ռազմավարական զսպման, ինչպես նաև մեր ազգային նպատակներին հասնելու համար: Եվ սա այլևս տեսական չէ»,- ասել է Ռիչարդսը:
Նա նշել է, որ ԱՄՆ Պաշտպանության նախարարության յուրաքանչյուր ծրագիր և հնարավորություն հիմնված է այն ենթադրության վրա, որ ռազմավարական զսպումը, մասնավորապես, միջուկային զսպումն առկա է: Բայց եթե այս ենթադրությունը չկատարվի, «նախարարությունում կամ միավորված ուժերում այլ բան չի աշխատի այնպես, ինչպես նախատեսված է»։
Տաթև Ֆռանգյան
