29.04.2024 | 20:25
Քաղաքաշինության կոմիտեն և «Ներդրումների աջակցման կենտրոն» հիմնադրամը կսերտացնեն համագործակցությունը
Լիզ Թրասը՝ Մեծ Բրիտանիայի նոր վարչապետ
Քաղաքականություն
05.09.2022 | 16:27
Մեծ Բրիտանիայի Պահպանողական կուսակցության և, համապատասխանաբար, բրիտանական կառավարության ղեկավար է ընտրվել 47-ամյա թորի ակտիվիստ Էլիզաբեթ Թրասը։ Նա ցանկանում է, որ իրեն համարեն նոր «երկաթե լեդի» և խոստանում է նվազեցնել հարկերն ու կոչ է անում կանգնեցնել Պուտինին, գրում է BBC-ի ռուսական ծառայությունը։
Թրասը պաշտոնապես վարչապետի պաշտոնը կստանձնի թագուհու կողմից երեքշաբթի սպասվող նշանակումից հետո:
Լիզ Թրասը հաստատակամ պահպանողական և աջակողմյան լիբերալ է: Հարցն այն է՝ արդյո՞ք նա կփոխի իր համոզմունքները, երբ անհրաժեշտ լինի:
Օգոստոսի կեսերին Լիզ Թրասը, ըստ հարցումներից մեկի, Պահպանողական կուսակցության ղեկավարի պաշտոնի համար պայքարում ջախջախիչ հաշվով հաղթեց իր մրցակցին՝ Ռիշի Սունակին. հարցվածներից նրա օգտին են քվեարկել կուսակցության անդամների 60%-ը, 28%-ը՝ Սունակի օգտին։
Այս ընտրությունների հաղթողը, որի օգտին քվեարկում են միայն ներկայում իշխող կուսակցության անդամները, ավտոմատ կերպով դառնում է բրիտանական կառավարության ղեկավար։
Մեծ Բրիտանիայի պատմության մեջ այնպիսի վառ առաջին կին վարչապետից հետո, ինչպիսին Մարգարեթ Թետչերն է, բնական է, որ իրավահաջորդները կամ հավակնորդները նույնպես փորձում են արժանանալ «երկաթե լեդի» անվանմանը:
Տաթև Ֆռանգյան
