16.09.2026 | 18:29
Ուկրաինայի ԶՈՒ-ն հայտարարել է Ղրիմի օդանավակայանում ռուսական Սու-24 ռմբակոծիչի հարվածելու մասին
Հունաստանն արձագանքել է Էրդողանի հերթական ռազմական և պատմական սպառնալիքներին
Քաղաքականություն
05.09.2022 | 21:18
Հունաստանը քննադատել է Թուրքիայի ագրեսիվ հռետորաբանությունն ու սպառնալիքները, որոնք հիշեցնում են հույներին 1922 թվականին Փոքր Ասիայում տեղի ունեցած աղետի մասին, իսկ Թուրքիայի նախագահ Ռեջեփ Թայիփ Էրդողանը հասել է, որ հայտարարում է, թե թուրքական ուժերը մեկ գիշերվա ընթացքում կարող են ներխուժել Հունաստան, գրում է Greek City Times-ը։
Մասնավորապես, Հունաստանի ԱԳՆ-ն հայտարարել է, որ չի միանալու Թուրքիայի ամենօրյա սպառնալիքներին։
«Մենք անմիջապես կտեղեկացնենք մեր դաշնակիցներին ու գործընկերներին վերջին մի քանի օրերի սադրիչ հայտարարությունների բովանդակության մասին, որպեսզի պարզ լինի, թե ով է խաթարում մեր դաշինքի համախմբվածությունը՝ հատկապես վտանգավոր ժամանակում։ Միևնույն ժամանակ, մենք կշարունակենք ծառայել որպես կայունության և անվտանգության հենարան ավելի լայն տարածաշրջանի համար՝ միջազգային իրավունքի և ծովի միջազգային իրավունքի նորմերի հիման վրա»,- ասվում է հայտարարության մեջ։
Հիշեցնենք, որ Թուրքիայի նախագահ Ռեջեփ Թայիփ Էրդողանը կրկին սպառնացել էր Հունաստանին ու կոչ արել հիշել պատմությունը։
«Մենք միայն մի բառ ունենք ասելու Հունաստանին՝ մի՛ մոռացեք Իզմիրը (Զմյուռնիան)»,- ասել էր Էրդողանը՝ հիշեցնելով 1922-ին տեղի ունեցած Զմյուռնիայի աղետը՝ տեղի հույն և հայ բնակչության կոտորածը թուրքական զորքերի կողմից։
Էմմա Չոբանյան
