20.11.2024 | 20:18
Արևմուտքի հետ լարվածության ֆոնին Պուտինը դադարել է ներկայանալ հանրությանը
Արամ Հակոբյանը հաղթելու լուրջ հայտ է ներկայացնում. Dubai Open 2022
03.09.2022 | 14:09
Արաբական Միացյալ Էմիրություններում ընթացող շախմատի Dubai Open 2022 մրցաշարում պայքարը հասել է իր գագաթնակետին, քանի որ մնացել է անցկացնել երկու տուր: Այժմ յուրաքանչյուր միավորի կորուստն անմիջապես անդրադառնում է շախմատիստի շանսերի վրա:
Հայաստանի երկու ներկայացուցիչները դեռևս պայքարում են գլխավոր մրցանակի համար: Նրանցից առավել լավ հնարավորություն ունի գրոսմայստեր Արամ Հակոբյանը, որը 7-րդ տուրում հաղթել է իրանցի Ռեզա Մահդավիին և վաստակել 5,5 միավոր: Նա այժմ ընդամենը կես միավորով է զիջում առաջատար քառյակին:
Մեր շախմատիստ Սամվել Տեր-Սահակյանն այս անգամ չի կարողացել կոտրել հնդիկ միջազգային վարպետ Միտալ Ադիտյայի դիմադրությունը և ստիպված հաշտություն է կնքել: Նա 5 միավորով բաժանում է 9-24-րդ տեղերը:
ԱՄՆ-ն ներկայացնող հայազգի շախմատիստ Վլադիմիր Հակոբյանն ընթացիկ տուրում պարտվե լէ հնդիկ գրոսմայստեր Պրագնանադհային: Նա նույնպես ունի 5 միավոր:
Այսօր կկայանան նախավերջին` 8-րդ տուրի պարտիաները: Արամ Հակոբյանը սևերով կմրցի հնդիկ գրոսմայստեր Սետուրամանի հետ: Սամվել Տեր-Սահակյանը կխաղա հնդիկ միջազգային վարպետ Վիգնեշի հետ, իսկ Վլադիմիր Հակոբյանին մրցակից է բաժին ընկել Հնդկաստանը ներկայացնող գրոսմայստեր Սանդիպան Չանդան:
