17.04.2026 | 16:52
Եթե որևէ մեկը շորի կարիք ունի ու ինչ-որ մեկը շոր ա առնում, էդ նորմալ ա․ Ալեքսան Ալեքսանյան․ ՏԵՍԱՆՅՈՒԹ
Հայաստանի և Հնդկաստանի ԱԳ նախարարները շնորհավորական ուղերձներ են հղել դիվանագիտական հարաբերությունների հաստատման 30-ամյակի կապակցությամբ
Քաղաքականություն
31.08.2022 | 13:02
Հայաստանի և Հնդկաստանի արտաքին գործերի նախարարները շնորհավորական ուղերձներ են փոխանակել դիվանագիտական հարաբերությունների հաստատման 30-ամյակի կապակցությամբ, երկու երկրների բարեկամությունը, համագործակցությունը խորացնելու պատրաստակամություն հայտնել: «Արմենպրես»-ի հաղորդմամբ՝ ԱԳ նախարարները գրառում են կատարել «Թվիթեր»-ի իրենց միկրոբլոգերում:
«Ջերմագույն շնորհավորանքներս լավ ընկեր և գործընկեր Հնդկաստանի ԱԳ նախարար Սուբրամանյամ Ջայշանկարին, կառավարությանը և Հնդկաստանի ժողովրդին՝ դիվանագիտական հարաբերությունների հաստատման 30-ամյակի կապակցությամբ: Շատ ենք արժևորում մեր ամուր հարաբերությունները և պատմական բարեկամությունը և հանձնառու ենք բոլոր ոլորտներում մեր համագործակցության ընդլայնմանը»,-ընդգծել է ՀՀ ԱԳ նախարար Արարատ Միրզոյանը:
Հնդկաստանի արտգործնախարար Սուբրամանյամ Ջայշանկարը ևս իր լավագույն մաղթանքներն է հղել ՀՀ ԱԳ նախարար Արարարատ Միրզոյանին, Հայաստանի կառավարությունն ու ժողովրդին: «Թող մեր երկարամյա բարեկամությունը շարունակի աճել»,-եզրափակել է Սուբրամանյամ Ջայշանկարը:
