23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Լավրովն ասել է, որ ԼՂ-ում ռուս խաղաղապահների վերաբերյալ Փաշինյանից դեռ առաջարկ չեն տեսել
Քաղաքականություն
05.08.2022 | 12:04
Մոսկվան դեռ չի տեսել ՀՀ վարչապետ Նիկոլ Փաշինյանի առաջարկները՝ հստակեցնելու Լեռնային Ղարաբաղում ռուսական խաղաղապահ առաքելության մանրամասները։ Այս մասին լրագրողների հետ զրույցում հայտարարել է ՌԴ ԱԳ նախարար Սերգեյ Լավրովը, գրում է ՏԱՍՍ-ը։
«Ինձ համար դժվար է պատասխանել հարցին, քանի որ մենք առաջարկներ չենք տեսել, որոնք Հայաստանի վարչապետը ցանկանում է ներդնել Լեռնային Ղարաբաղում ռուս խաղաղապահների առաքելությունը քննարկելու համատեքստում, ուստի ես հիմա չեմ կարող կռահել»,-ասել է Լավրովը։
Նա նշել է, որ եռակողմ համաձայնության կողմերից յուրաքանչյուրը իրավունք ունի լրացուցիչ նախաձեռնություններով հանդես գալ։ «Մենք դրանք դեռ չենք տեսել»,-ասել է Լավրովը։
Հիշեցնենք, որ նախօրեին Նիկոլ Փաշինյանը հայտարարել էր, որ Արցախի դիրքերի վրա Ադրբեջանի ԶՈՒ-ի հարձակման համատեքստում, հայ հասարակության շրջանում առաջանում են մի շարք հարցեր կապված ռուս խաղաղապահների գործունեության հետ, որոնք հստակեցում են պահանջում։
Էմմա Չոբանյան
