06.11.2024 | 15:12
Դոնալդ Թրամփն ընտրվեց ԱՄՆ 47-րդ նախագահ
Էրդողանը լավ կլինի՝ չկենտրոնանա նեոօսմանյան ֆանտազիաների վերակենդանացման վրա․ Հունաստանի վարչապետ
Քաղաքականություն
29.07.2022 | 16:36
Հունաստանի վարչապետ Կիրիակոս Միցոտակիսը CNN-ի հետ հարցազրույցում, ի թիվս այլ հարցերի, խոսել է նաև Թուրքիայի կողմից Աթենքի նկատմամբ վերջին ագրսեսիվ էսկալացիայից ու նշել, որ «վերջին բանը, որը պետք է ՆԱՏՕ-ին, հարավարևելյան Եվրոպայում անկայության ևս մեկ աղբյուրն է», գրում է ekathimerini-ին։
«Մեն պարտավոր ենք կարգավորել մեր տարաձայնությունները Թուրքիայի հետ, և կա միայն մեկ գիրք, որը մենք կարող ենք օգտագործել, դա միջազգային իրավունքն է»,-ասել է Միցոտակիսը։ Նա նաև Թուրքիայի նախագահ Ռեջեփ Թայիփ Էրդողանին խորհուրդ է տվել կենտրոնանալ իր երկրի խնդիրների վրա։
«Ես իսկապես կարծում են, որ նախագահ Էրդողանը իր ժողովրդին շատ ավելի լավ կծառայեր, եթե կենտրոնանար թուրքական հիվանդ տնտեսության աշխուժացման վրա, այլ ոչ թե նեոօսմանյան ֆանտազիաների վերակենդանացման»,-ասել է Հունաստանի վարչապետը։
Հավելենք, որ վերջին շրջանում Աթենքի ու Անկարայի հարաբերությունները կտրուկ սրվել են։ Թուրքիան Աթենքին մեղադրում է հունական կղզիները ռազմականացնելու մեջ ու սպառնում չճանաչել Հունաստանի տարածքային ամբողջականությունը։
Էրդողանը նույնիսկ հայտարարել էր, որ Միցոտակիսն իր համար «այլևս գոյություն չունի», և նրան մեղադրել էր ԱՄՆ կատարած այցի ժամանակ Թուրքիային F-16 կործանիչների վաճառքն արգելափակելու փորձի մեջ։
Էմմա Չոբանյան
