27.02.2026 | 23:15
Իսրայելում ԱՄՆ դեսպանատունը թույլ է տվել իր աշխատակիցներին լքել երկիրը` Իրանին հնարավոր հարվածի ֆոնին
Մոլդովայում անհանգստացած են ռուսական հնարավոր ներխուժման սպառնալիքից
Քաղաքականություն
26.07.2022 | 17:26
Հիպոթետիկ հավանականություն կա, որ Ուկրաինայից հետո Ռուսաստանը կներխուժի Մոլդովա, հայտարարել է Մոլոդովայի վարչապետ Նատալյա Գավրիլիցան։ «Մենք, իհարկե, անհանգստացած ենք: Սա ռիսկ է, սա դեռևս հիպոթետիկ սցենար է, բայց եթե մարտերը շարունակվեն Ուկրաինայի հարավ-արևմտյան մասում և դեպի Օդեսա, ապա մենք, իհարկե, շատ անհանգստացած ենք», – ասել է նա CNN-ին տված հարցազրույցում։
«Եթե երկիրը սկսում է նվաճողական պատերազմ՝ առանց հաշվի առնելու միջազգային իրավունքը, ապա այս առումով ոչ ոք ապահովագրված չէ, և ես կարծում եմ, որ դա շատ երկրներում անհանգստությունն է առաջացնում», – հավելել է նա։ Ըստ Գավրիլիցայի, Մոլդովայի տնտեսությունը՝ ուկրաինականից հետո, ամենից շատ զգաց պատերազմի հետևանքները։ Անցած ամիս Մոլդովայում գնաճը կազմել է 32%։
Հիշեցնենք՝ 2022 թվականի ապրիլին Ռուսաստանի Կենտրոնական ռազմական օկրուգի հրամանատարի տեղակալ, գեներալ Ռուստամ Մինեկաևը հայտարարել էր Ուկրաինայում «հատուկ գործողության երկրորդ փուլի» մեկնարկի մասին, որի նպատակը, ըստ նրա, ոչ միայն ամբողջական վերահսկողությունն է Դոնբասի վրա, այլև Ուկրաինայի ողջ հարավի։ «Ուկրաինայի հարավի նկատմամբ վերահսկողությունը ևս մեկ ելք է դեպի Մերձդնեստր, որտեղ կան նաև ռուսալեզու բնակչության նկատմամբ ճնշումների փաստեր»,- ասել էր նա։ Մինեկաևի հայտարարության առնչությամբ Մոլդովայի ԱԳՆ-ն դժգոհություն էր բարձրացրել։
Տաթև Ֆռանգյան
