19.12.2025 | 21:55
ԱԱԾ-ին վերագրվող թուղթ է հրապարակվել. Եզրաս արքեպիսկոպոսի՝ ԿԳԲ-ի գործակալ լինելու պնդման արձագանքները․ ՏԵՍԱՆՅՈՒԹ
Իրաքյան Դուհոկում գտնվող թուրքական ռազմաբազան ենթարկել է անօդաչուների հարձակման
Քաղաքականություն
22.07.2022 | 19:58
Անհայտ անօդաչու թռչող սարքերը թիրախավորել են Իրաքի հյուսիսային Դուհոկում գտնվող թուրքական ռազմաբազան: Այս մասին քրդական Rudaw լրատվականին ասել է տեղի պաշտոնյան, գրում է Turkish Minute-ը։
Պաշտոնյան, որը ցանկացել է անանուն մնալ, ասել է, որ առնվազն երկու անօդաչու թռչող սարք է թիրախավորել թուրքական ռազմաբազան Դուհոկի Բամառնի շրջանում, որի արդյունքում տուժածներ չկան։
Աղբյուրը հավելել է, որ անօդաչուներից մեկը կործանվել է, իսկ մյուսը խփվել է թուրքական ուժերի կողմից։
Այս հարձակումը տեղի է ունենում երկու օր այն բանից հետո, երբ ինը խաղաղ բնակիչ, այդ թվում՝ երեխաներ, զոհվեցին, ևս 23-ը վիրավորվեցին Զախո հանգստավայրի հրետանային հարձակման հետևանքով, որի համար Իրաքի իշխանությունները մեղադրում են Թուրքիային, այն Անկարան հերքում է։
«Սա կարծես պատասխան գործողություն է Իրաքի զինված խմբավորումների կողմից», – թվիթերում գրել է Rudaw-ի թղթակից Քարվան Ֆայդի Դրին։
Էմմա Չոբանյան
