20.11.2024 | 14:35
Շոու է, որով ապահովում է իր բացակայող ռեյտինգը․ Նինա Կարապետյանցը՝ պաշտոնանկությունների մասին․ ՏԵՍԱՆՅՈՒԹ
Ուկրաինայում կալանավորված Արցախյան 44-օրյա պատերազմի ադրբեջանցի մասնակցի դատավարությունն է տեղի ունեցել
Քաղաքականություն
14.07.2022 | 22:59
Ուկրաինայում տեղի է ունեցել երկու կալանավորված ադրբեջանցիների դատավարությունը, որոնցից մեկը Արցախյան 44-օրյա պատերազմի մասնակից է, գրում են ադրբեջանական լրատվամիջոցները։
Նշվում է, որ Կիևի շրջանի Օբուխովի շրջանային դատարանում քննվել է Գասիմլի Միսիր Էլման օղլուի (Արցախյան 44-օրյա պատերազմի մասնակից) և Գուլիև Սուբխան Բաբեկ օղլուի գործը։
Դատական նիստի արդյունքում դատախազ Ռինատ Կուզմենկոն հրապարակել է հոդվածները, որոնց հիման վրա մեղադրանք է առաջադրվել (խուլիգանություն, մարդու առևանգում, զենքի անօրինական կրում)։ Դատախազը պահանջել է ադրբեջանցիներին դատապարտել 8-15 տարվա ազատազրկման։
Ուկրաինայի ադրբեջանցիների միացյալ սփյուռքի ներկայացուցիչը խնդրել է մեղադրյալներին գրավի դիմաց ազատ արձակել, սակայն դատավորը մերժել է։ Հաջորդ դատական նիստը տեղի է ունենալու սեպտեմբերի 12-ին։
Ուշագրավն այն է, որ այս ամենում ադրբեջանցիները հայկական հետք են փնտրում։ Մասնավորապես, Միսիր Գասիմլիի քույրը հայտարարել է, որ «հայերի միջամատության պատճառով դատական գործընթացը ձգվում է»։ Նա նշել է, որ իր եղբոր կողմից Արցախյան երկրորդ պատերազմի ընթացքում արված տեսանյութերը հարուցել են Ուկրաինայի հայերի դժգոհությունը։
Էմմա Չոբանյան
