22.04.2026 | 14:37
«Ինտերի» ու «Միլանի» ֆուտբոլիստներն անցնում են մարմնավաճառության հետ կապված աղմկահարույց գործով
ՀԱՊԿ-ն ու ՄԱԿ-ը պետք է համագործակցեն խաղաղապահության ու սպառնալիքների արձագանքնման ոլորտում․ ՌԴ ԱԳՆ
Քաղաքականություն
14.07.2022 | 22:24
ՌԴ արտաքին գործերի փոխնախարար Սերգեյ Վերշինինը ՄԱԿ-ում ՀԱՊԿ անդամ երկրների մշտական ներկայացուցիչների հետ հուլիսի 13-ին քննարկել է ՄԱԿ-ի ու ՀԱՊԿ-ի հետագա համագործակության կարևորությունը առաջացող մարտահրավերներին ու սպառնալիքներին արձագանքման, ինչպես նաև խաղաղապահության ոլորտում, գրում է ՏԱՍՍ-ը։
«Վերահաստատվել է միասնական դիրքորոշումը կապված ՄԱԿ-ի և ՀԱՊԿ-ի ջանքերի անհրաժեշտության և հետագա համատեղման վերաբերյալ՝ առաջացող մարտահրավերներին և սպառնալիքներին արդյունավետ արձագանքելու, ինչպես նաև խաղաղապահ ոլորտում նրանց համագործակցությունը զարգացնելու օգտին»,-ասվում է ՌԴ ԱԳՆ հայտարարության մեջ։
Նշվում է որ, կողմերը քննարկել են նաև մի շարք միջազգային հարցեր, այդ թվում՝ ՄԱԿ-ի Գլխավոր ասամբլեայի 76-րդ նստաշրջանի օրակարգում ընդգրկված հարցերը։
«Հատուկ ուշադրություն է դարձվել ՀԱՊԿ անդամ պետությունների ջանքերի համակարգմանը ՄԱԿ-ի հարթակում»,-ասվում է հայտարարության մեջ։
Էմմա Չոբանյան
