13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
ԵԽԽՎ-ն զեկույց կպատրաստի Ադրբեջանում լրագրողների և իրավապաշտպանների կյանքին ուղղված սպառնալիքների վերաբերյալ
Քաղաքականություն
29.06.2022 | 23:30
ԵԽԽՎ բյուրոն որոշում է կայացրել «Ադրբեջանում լրագրողների ու իրավապաշտպանների կյանքի ու անվտանգության սպառնալիքները» զեկույց պատրաստել, գրում են տեղական լրատվամիջոցները։
Զեկույցը պատրաստելու է ԵԽԽՎ իրավական հարցերի և մարդու իրավունքների հանձնաժողովը։ Միաժամանակ, Վեհաժողովի մշակույթի, գիտության, կրթության և ԶԼՄ-ների հանձնաժողովին հանձնարարվել է այդ հարցի շուրջ եզրակացություն պատրաստել։
Դեռևս մայիսի սկզբին ԵԽԽՎ մի խումբ պատգամավորներ նախաձեռնությամբ էին հանդես եկել՝ բանաձև ընդունել Ադրբեջանում լրագրողների և իրավապաշտպանների կյանքի ու անվտանգության սպառնալիքների մասին։ Բելգիացի պատգամավոր Քրիստոֆ Լակրուայի նախաձեռնությանն աջակցել էին ԵԽԽՎ 24 երկրի 37 անդամներ։ Նախաձեռնությամբ հանես գալով՝ խորհրդարանականները, մասնավորապես, անդրադարձել են փետրվարի 22-ին իր տանը սպանված լրագրող Ավազ Շիհմամեդովի դեպքին, իրավապաշտան ու բլոգեր Բահտիյար Հաջիևի առևանգմանը, ինչպես նաև Ադրբեջանում և արտասահմանում հետաքննող լրագրողների հետապնդումներին ուղղված սպառնալիքներին։
Լրագրողների ազատության և անվտանգության ինստիտուտի գործադիր տնօրեն Էմին Հուսեյնովն էլ հայտնել է, որ մինչև սեպտեմբերի 15-ը Իրավական հարցերի և մարդու իրավունքների հանձնաժողովը նշանակելու է զեկուցող, որը կսկսի փաստաթղթի նախապատրաստումը։
Էմմա Չոբանյան
