26.03.2026 | 23:44
Քարաթափում Սիսիան-Լծեն-Տաթև ավտոճանապարհին
Հրդեհ է բռնկվել ռուսական գազի Յամալի ամենամեծ հանքավայրում
Քաղաքականություն
16.06.2022 | 17:45
Հրդեհ է բռնկվել Յամալո-Նենեցյան ինքնավար օկրուգի ռուսական գազի խոշորագույն հանքավայրում՝ Ուրենգոյսկոյեում, հայտնում է «Գազետա»-ն՝ հղում անելով «Գազպրոմ դոբիչա Ուրենգոյ» ՍՊԸ-ի լրատվության ծառայությանը։
Ընկերության տեղեկությունների համաձայն՝ գազային կոլեկտորի երկրորդ ճյուղում հերմետիկության խախտմամբ բռնկում է գրանցվել։ Միջադեպի հետ կապված արտադրական հզորությունների աշխատանքը դադարեցվել է, գազային հոսքերը վերաբաշխվել են։ Բռնկումը հաջողվել է տեղայնացնել, իսկ այնուհետև չեզոքացնել։
«Ժամը 2.50-ին արտադրական օբյեկտները կրկին շահագործման են հանձնվել»,- հայտնել են ընկերությունից։
Հրդեհի հետևանքով ոչ ոք չի տուժել, միջադեպը չի ազդել պլանավորված արտադրական նպատակների իրականացման վրա, նշել է «Գազպրոմը»։ Միջադեպի պատճառները կպարզի հատուկ ստեղծված հանձնաժողովը։
Տաթև Ֆռանգյան
