16.12.2025 | 23:16
BBC-ից Թրամփի փոխհատուցման պահանջը կարող է կազմել շուրջ 10 մլրդ դոլար
IKEA-ն կվաճառի իր բոլոր գործարանները Ռուսաստանում
Քաղաքականություն
15.06.2022 | 16:56
IKEA-ն կվաճառի իր բոլոր չորս գործարանները և կնվազեցնի բիզնեսի մասշտաբները Ռուսաստանում։ Այս մասին ասվում է շվեդական ընկերության մամուլի հաղորդագրությունում, գրում է BBC-ի ռուսական ծառայությունը։
«Վերջին մի քանի ամիսների ընթացքում ամբողջ աշխարհում բիզնես գործընթացների և մատակարարման շղթաների հետ կապված իրավիճակը զգալիորեն վատթարացել է: Հաշվի առնելով դա՝ մենք տեսանելի ապագայում վաճառքը վերսկսելու հնարավորություն չենք տեսնում»,- ասվում է կահույքի հսկայի հայտարարության մեջ:
Նշվում է, որ ընկերության մանրածախ առևտուրը Ռուսաստանում դադարեցված է:
«Այս որոշումը ենթադրելու է օպտիմալացում, որը կազդի նաև շատ աշխատակիցների վրա»,- նշել են ընկերությունում։
Այժմ IKEA-ն սկսել է Լենինգրադի, Կիրովի և Նովգորոդի մարզերում գտնվող իր գործարանների նոր սեփականատերերի որոնումները։ IKEA-ին պատկանող «MEGA» առևտրի կենտրոնները կշարունակեն գործել Ռուսաստանում, ասվում է հաղորդագրության մեջ։
Տաթև Ֆռանգյան
