08.06.2026 | 18:10
ԲՀԿ-ն պնդում է՝ իրենց ձայները նվազեցվել են // ԵՄ-ն հերթական վարկը կտա Ուկրաինային. ԼՈՒՐԵՐ
Պետք է կատարվեն Հայաստան-Ադրբեջան-Ռուսաստան եռակողմ հայտարարության կետերը. Լավրով․ ՏԵՍԱՆՅՈՒԹ
Քաղաքականություն
09.06.2022 | 13:22
Հանդիպման ընթացքում առանձնահատուկ ուշադրություն է հատկացվել այս տարածաշրջանում (Հարավային Կովկասում) կայունության, անվտանգության ու խաղաղության ամրապնդմանն ուղղված միջոցառումներին: Այս մասին հայտարարեց ՌԴ արտգործնախարար Սերգեյ Լավրովը Երևանում ՀՀ արտգործնախարար Արարատ Միրզոյանի հետ հանդիպումից հետո կայացած մամուլի ասուլիսի ընթացքում:
«Մենք համակարծիք ենք, որ անհրաժեշտ է անշեղորեն կատարել Հայաստանի, Ադրբեջանի և ՌԴ-ի ղեկավարների եռակողմ պայմանավորվածությունները, որոնք ձեռք են բերվել 2020-ի նոյեմբերի 9-ին և 2021-ի հունվարի 11-ին և նոյեմբերի 26-ին»,- ընդգծեց ՌԴ ԱԳ նախարարը:
Անդրադառնալով Արցախում տեղակայված ռուս խաղաղապահների գործունեությանը՝ Լավրովը նշեց, որ երախտապարտ են այս զորակազմի կայունացնող դերն ընդունելու համար:
Լավրովը նաև գոհունակություն հայտնեց հունիսի 3-ին Մոսկվայում երեք երկրների փոխվարչապետերի մակարդակով տարածաշրջանում բոլոր տրանսպորտային և տնտեսական ուղիների ապաշրջափակման հարցերով եռակողմ աշխատանքային խմբի հանդիպման արդյունքների վերաբերյալ:
Լավրովի խոսքով՝ քննարկվել է նաև ՌԴ աջակցությամբ հայ-ադրբեջանական սահմանի սահմանազատման թեման: Ռուսաստանը պատրաստակամություն է հայտնել օգնել Երևանի և Բաքվի միջև խաղաղության պայմանագրի ստորագրմանը, մարդասիրական հարցերի լուծմանը, ինչպես նաև ողջունել է հայ-թուրքական հարաբերությունների կարգավորման գործընթացի մեկնարկը:
Մանրամասները՝ տեսանյութում:
