15.09.2026 | 19:21
Դատավոր Սամվել Թադևոսյանը կրկին հրաժարականի դիմում է ներկայացրել. ԲԴԽ-ն դադարեցրել է նրա լիազորությունները
Վաշինգտոնը Հայաստանի ու Ադրբեջանի հարաբերությունների կարգավորման հնարավորություն է տեսնում
Քաղաքականություն
09.06.2022 | 12:30
ԱՄՆ-ն գտնում է, որ իրական հնարավորություն կա Հայաստանի ու Ադրբեջանի միջև հարաբերությունների կարգավորման համար։ Այս մասին լրագրողների հետ ճեպազրույցում հայտարարել է ԱՄՆ պետքարտուղարի Եվրոպայի ու Եվրասիայի հարցերով օգնական Քարեն Դոնֆրիդը։
«Ես կարծում եմ այժմ իրական հույս կա, Ադրբեջանի և Հայաստանի համար կա հնարավորություն առաջ շարժվելու այդ հարաբերությունների կարգավորման, խաղաղ կարգավորման ձգտման ուղղությամբ: Կարծում եմ՝ մենք տեսել ենք, որ երկու երկրներն էլ կարևոր քայլեր են ձեռնարկում»,-ասել է Դոնֆրիդը՝ նշելով, որ դա այն է, ինչ ԱՄՆ-ն խրախուսում է։ Խոսելով Հաջիևի հետ օրերս կայացած հանդիպման մասին՝ Դոնֆրիդը նշել է, որ այցի ընթացքում նա հանդիպել է ԱՄՆ կառավարության այլ առանցքային պաշտոնյաների: ԱՄՆ պետքարտուղարի օգնականը նաև կարևորել է ԵՄ դերը Երևանի ու Բաքվի հարաբերություններում։
«Երբ մենք մտածում ենք Ադրբեջանի և Հայաստանի մասին, տեսնում ենք նաև այն կարևոր դերը, որը խաղում է Եվրամիությունն այնտեղ։ Հիանալի օրինակ է, երբ ԵՄ-ն, աշխատելով Ադրբեջանի և Հայաստանի հետ միասին, կարող են հուսալ այդ խաղաղ գործընթացն առաջ մղելու հարցում»,-ասել է Դոնֆրիդը։
Հավելենք, որ Հիքմեթ Հաջիևը այս շաբաթ այցով ԱՄՆ-ում է, որտեղ հանդիպումներ է ունեցել Քարեն Դանֆրիդի, ինչպես նաև ԱՄՆ նախագահի Ազգային անվտանգության հարցերով խորհրդական Ջեյք Սալիվանի հետ։
Էմմա Չոբանյան
