19.05.2026 | 12:15
Երևանում խուզարկություններ են // ՀՀ-ն տեղական արտադրության զենք է արտահանել․ ԼՈՒՐԵՐ
Պատերազմի 100 օրվա ընթացքում ՌԴ-ն որևէ ռազմավարական նպատակի չի հասել․ Բրիտանական հետախուզություն
Քաղաքականություն
03.06.2022 | 14:17
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
Բրիտանական ռազմական հետախուզության տվյալներով՝ Ուկրաինայի դեմ լայնամասշտաբ պատերազմի 100 օրվա ընթացքում Ռուսաստանը չի կարողացել հասնել իր ռազմավարական նպատակներից որևէ մեկին, հաղորդում է DW-ի ռուսական ծառայությունը։
Ռուսական ուժերը չեն կարողացել իրականացնել Կիևը և ուկրաինական ուժային կենտրոնները գրավելու նախնական ծրագրերը, հարձակումը հետ է մղվել ուկրաինական համառ դիմադրության շնորհիվ և Գոստոմելի օդանավակայանն առաջին 24 ժամվա ընթացքում գրավելու անկարողության պատճառով, հայտնել է Մեծ Բրիտանիայի Պաշտպանության նախարարությունը Twitter-ում գրառմամբ։
Նշվում է, որ նախնական պլանի ձախողումից հետո Ռուսաստանի Դաշնությունը փոխել է իր օպերատիվ հայեցակարգը և կենտրոնացել արևելյան Ուկրաինայի ուղղությամբ։
«Հիմա Ռուսաստանը մարտավարական հաջողությունների է հասնում Դոնբասում: Ռուսական ուժերը ստեղծել և պահպանել են թափը, և այժմ, կարծես թե, ունեն նախաձեռնություն ուկրաինական կողմի նկատմամբ»,- ասվում է հաղորդագրությունում։
ԳԵրատեսչությունը նշում է, որ այս պահին Ռուսաստանի Դաշնությունը վերահսկում է Լուգանսկի շրջանի ավելի քան 90 տոկոսը և, ամենայն հավանականությամբ, առաջիկա երկու շաբաթվա ընթացքում լիակատար վերահսկողություն կսահմանի շրջանի նկատմամբ։ Մյուս ճակատներում «ՌԴ ԶՈւ-ն մանևրելու և հարձակվելու հնարավորություն չունի և անցել է պաշտպանության»։
