10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Տոնական տրամադրություն Երևանի մետրոպոլիտենում․ ԼՈՒՍԱՆԿԱՐՆԵՐ
Հասարակություն
01.06.2022 | 15:12
Երաժշտություն, նվերներ, շնորհավորանքներ և բարձր տրամադրություն: Երևանի մետրոպոլիտենը վերածվել էր մանկության մոլորակի, ուր գերիշխում էին միայն ուրախ տրամադրությունն ու հեքիաթային վառ գույները․ տեղեկացնում են «Կարեն Դեմիրճյանի անվան Երևանի մետրոպոլիտեն» ՓԲԸ»-ից։
«Երեխաների իրավունքների պաշտպանության միջազգային օրվա կապակցությամբ փոքրիկ ուղևորներին հեքիաթային գնացքով հյուր էին եկել մուլտհերոսներն ու ծաղրածուները: Օրվա հերոսները տոնական գնացքով ուղևորվեցին դեպի մետրոպոլիտենի «Հանրապետության հրապարակ» կայարան, որտեղ էլ նրանց սպասվում էին բազմաթիվ անակնկալներ։
Մետրոպոլիտենի յուրաքանչյուր անկյունում տիրում էր տոնական տրամադրություն:
Հունիսմեկյան տոնի առթիվ Երևանի մետրոպոլիտենի ողջ անձնակազմի մաղթանքը երեխաներին մեկն է` խաղաղ, անհոգ և երջանիկ մանկություն, բարօրություն և արժանապատիվ ապագա»,- ասված է հաղորդագրությունում։
