06.10.2026 | 12:01
Հաքերները Դանիայում հասանելիություն են ստացել 8,8 միլիոն մարդու տվյալներին
Կոռեկտ չէ ասեմ՝ միջազգային գործընկերները ինչ են ասում իրենց մասին․ Միրզոյանը՝ ընդդիմության մասին․ ՏԵՍԱՆՅՈՒԹ
Տեսանյութեր
25.05.2022 | 18:45
«Դա իսկապես խայտառակ շոու էր»,- այսօր Ազգային ժողովում Կառավարության հետ հարցուպատասխանի ժամանակ հայտարարեց ՀՀ արտգործնախարար Արարատ Միրզոյանը՝ անդրադառնալով երեկ ԱԳՆ շենքում իրականացրած ակցիային:
«Քաղաքական գործչին, ընդհանրապես քաղաքակիրթ մարդուն անհարիր պահվածք էր: Պատգամավորները, օգտագործելով իրենց պատգամավորական որոշակի արտոնությունները, մուտք են գործել շենք, ենթադրում եմ՝ քննարկելու ու ինձ հարցեր ուղղելու համար և ինձնից պատասխաններ լսելու: Եվ այդ ընթացքում փոխնախարարների հետ հանդիպման ընթացքում իրենց պաշտոնյային ոչ վայելուչ պահվածք են դրսևորել: Ի պատիվ մեր պաշտոնյաների՝ նրանք կարողացել են այդ իրավիճակում սառնասիրտ լինել, ինչը, իհարկե, չի փոխում այն հանգամանքը, որ մյուս կողմը իրեն անպատկառ է պահել»,- ասաց Արարատ Միրզոյանը:
Խոսելով ընդդիմության՝ Արցախի դրոշներ փակցնելու ակցիայի մասին՝ նախարարը նշեց, որ ընդդիմադիրները 30 տարի ժամանակ են ունեցել դա անելու, բայց չեն արել. «Նրանց մի մասը, երբ եղել է իշխանություն, չեմ հիշում, որ ԱԳՆ-ն Արցախի դրոշներով զարդարած լինեին կամ կրեին այդ դրոշներն իրենց կոստյումների վրա»:
«Կոռեկտ չեմ համարում ասել, թե միջազգային գործընկերներն ինչ են ասում իրենց մասին»,- նշեց Միրոզոյանը:
Մանրամասները՝ տեսանյութում:
