23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
էկոնոմիկայի նախարարը` պարենային ճգնաժամի, Լարսի անցակետում կուտակումների մասին․ ՏԵՍԱՆՅՈՒԹ
Տնտեսություն
17.05.2022 | 19:11
«Կառավարությունն իր գործողություններով փորձում է այնպես անել, որ բնակչության խոցելի զանգվածը կարողանա կոմպենսացնել իր կորուստները բարձր գնաճի արդյունքում։ Այս մասին ասաց այսօր Գյումրի այցելած ՀՀ էկոնոմիկայի նախարար Վահան Քերոբյանը՝ պատասխանելով Factor TV-ի հարցին, թե պարարտանյութի, սերմացուի, դիզվառելիքի թանկացման պայմաններում մեր երկրում պարենային ճգնաժամ սկսվելու վտանգ կա՞։
«Արդեն այս շաբաթ Կառավարությունը կներկայացնի մի նախագիծ, որով հենց թոշակառուների համար ստեղծվելու է հնարավորություն մինչև 10 տոկոս cash back ստանալ, որը կմեղմի գնաճից ստացված վնասները։ Իհարկե, դա վերջը չէ, մենք և մեր գործընկերներն անընդհատ աշխատում ենք, որ բարձր տնտեսական աճի արդյունքները հասանելի լինեն բնակչության բոլոր շերտերին։ Գիտեք, որ կառավարությունն առաջին եռամսյակին ունեցել է 9,6 տոկոս տնտեսական աճ, որը տարածաշրջանի բոլոր երկրների հետ համեմատած՝ էապես բարձր է։ Եվ մեր խնդիրն է, որպես Կառավարություն, այնպես անել, որպեսզի տնտեսական աճը պահպանվի նաև տարվա հաջորդ ամիսներին, մյուս կողմից էլ՝ այդ տնտեսական աճի բերած արդյունքը հասանելի լինի բնակչության բոլոր շերտերի համար»,- ասաց նախարարը։
Մանրամասները՝ տեսանյութում։
Արմիկ Մովսիսյան
