28.07.2026 | 21:49
Հայաստանի մի շարք հասցեներում էլեկտրաէներգիայի անջատումներ կլինեն
Թեհրանը պատրաստ է Թուրքմենստանից գազը սվոփով Հայաստան փոխադրել. Իրանի նավթի նախարար
Քաղաքականություն
17.05.2022 | 17:47
Իրանի նավթի նախարար Ջավադ Օջին հայտնել է, որ իր երկիրը պատրաստակամ է Թուրքմենստանի բնական գազը սվոփ համակարգով Հայաստան փոխադրել: Tehran Times-ի հաղորդմամբ՝ Օջին այս մասին հայտարարել է Թեհրանում ՀՀ տարածքային կառավարման և ենթակառուցվածքների նախարար Գնել Սանոսյանի հետ հանդիպմանը։
Հանդիպման ժամանակ իրանցի նախարարը նաև հայտնել է Իրանի գազային ազգային ընկերության (NIGC) պատրաստակամությունը՝ ավելացնելու գազի արտահանումը հարևան Հայաստան։
«Թուրքմենստանից Հայաստան սվոփով գազի փոխանակման շուրջ բանակցությունները սկսվել են, և մենք շուտով լավ արդյունքների կհասնենք այդ առումով՝ մեր երկրի գազային ցանցի բարձր հզորության շնորհիվ։ Այսօր հանդիպումների ընթացքում լավ պայմանավորվածություններ են ձեռք բերվել գազի արտահանման, նավթաքիմիական արտադրանքի ավելացման, փոխադարձ կապերի համապարփակ զարգացման վերաբերյալ»,- ասել է Օջին։
Ըստ իրանական պարբերականի՝ Իրանը և Հայաստանը տարիներ շարունակ համագործակցում են գազի և էլեկտրաէներգիայի փոխանակման հարցում, և երկկողմանի տնտեսական ու քաղաքական կապերն աճել են առևտրի ծավալների ավելացմանը զուգահեռ:
Էմմա Չոբանյան
