29.04.2024 | 09:49
ՀՀ տարածքում կան փակ ավտոճանապարհներ․ Լարսը բաց է
Խիստ եմ տրամադրված. Ալեն Սիմոնյանը՝ ընդդիմադիրներին մանդատներից զրկելու հնարավորություն մասին․ ՏԵՍԱՆՅՈՒԹ
Քաղաքականություն
17.05.2022 | 16:01
Նստաշրջանի ավարտից հետո ես կարող եմ ընդդիմադիր պատգամավորների բացակաների հարցը դիտարկել, քննարկել այդ հարցը ԱԺ խորհրդի նիստում և գործընթաց սկսել: Այս մասին Factor TV-ի հետ զրույցում ասաց ԱԺ նախագահ Ալեն Սիմոնյանը՝ անդրադառնալով այն հրապարակումների, որ ընդդիմադիր պատգամավորները գերազանցել են բացակայությունների թույլատրելի շեմը:
«Պետք է քննարկենք և հասկանանք՝ կարո՞ղ ենք այս բացակաները հարգելի համարել, թե՞ ոչ: Դրանից հետո որոշում կկայացվի: Վստահ եմ՝ կգնանք օրենքի ճանապարհով»,- հավելեց նա։
Հարցին՝ կարծում է, որ ընդդիմադիր պատգամավորները պետք է մանդատից զրկվե՞ն, ԱԺ նախագահը հայտնեց, որ խիստ է մտադրված. «Բայց չեմ ցանկանում իմ կարծիքով հիմա կանխորոշում անել: Բայց ես խիստ եմ տրամադրված»:
Արդյո՞ք ՔՊ-ում կա քաղաքական որոշում Փաշինյանի հրաժարականը պահանջող պատգամավորներին մանդատներից զրկելու մասին հարցին Ալեն Սիմոնյանը պատասխանեց.«Օրենքն ասում է՝ յուրաքանչյուր խմբակցություն կարող է բոյկոտել մեկ անգամ: Կներեք, բայց Ազգային ժողովը «проходной двор» չէ, որ երբ ուզեն՝ մտնեն ու դուրս գան, նիստերին չգան ու հետո ասեն՝ սա է իմ քաղաքական գործունեությունը»:
Մանրամասները՝ տեսանյութում:
