28.07.2026 | 21:11
Բաքվի վերաքննիչ դատարանում հայ գերիների շինծու գործով նիստում ավարտվել են ելույթները
Պուտինը երկկողմ հանդիպումներ կունենա Ղազախստանի, Բելառուսի, Ղրղզստանի ղեկավարների հետ
Քաղաքականություն
16.05.2022 | 14:58
Ռուսաստանի նախագահ Վլադիմիր Պուտինը երկուշաբթի առանձին հանդիպումներ կունենա Ղազախստանի, Բելառուսի և Ղրղզստանի ղեկավարների հետ, որոնք Մոսկվա են ժամանել՝ ՀԱՊԿ գագաթնաժողովին մասնակցելու համար։ Լրագրողներին այս մասին հայտնել է ՌԴ նախագահի մամուլի քարտուղար Դմիտրի Պեսկովը, գրում է ՌԻԱ Նովոստին։
Գագաթնաժողովից առաջ Պուտինը հանդիպել է նաև Տաջիկստանի նախագահի հետ։
«Պուտինը կշարունակի երկկողմ հանդիպումների շարքը։ Մասնավորապես, երկկողմ հանդիպում կլինի Ղազախստանի նախագահ (Կասիմ-Ժոմարտ) Տոկաևի, Բելառուսի նախագահ (Ալեքսանդր) Լուկաշենկոյի և Ղրղզստանի նախագահ (Սադիր) Ժապարովի հետ»,- ասել է Պեսկովը։
Հիշեցնենք՝ Տաջիկստանի նախագահ Էմոմալի Ռահմոնը Պուտինի հետ հանդիպմանը հայտնել էր, որ կցանկանար ՌԴ նախագահի հետ քննարկել երկրի զինված ուժերի արդիականացման հարցը։
Հիշեցնենք նաև, որ այսօր Մոսկվայում տեղի է ունենալու ՀԱՊԿ գագաթնաժողովը՝ անդամ պետությունների ղեկավարների մասնակցությամբ։ ՀՀ վարչապետ Նիկոլ Փաշինյանը նույնպես ժամանել է Մոսկվա։
Տաթև Ֆռանգյան
