Քաղաքականություն
16.05.2022 | 12:12
Երևանում առավոտյան սկսված անհնազանդության ակցիաների ժամանակ 21 անձ է բերման ենթարկվել ոստիկանական բաժիններ։ Այս մասին Factor.am-ի հետ զրույցում տեղեկացրեց ոստիկանության Հասարակայնության հետ կապի և լրատվության վարչության պետի տեղակալ Էդգար Ջանոյանը։
Քաղաքացիները բերման են ենթարկվել ՀՀ Վարչական իրավախախտումների վերաբերյալ օրենսգրքի 182-րդ հոդվածի հիմքով (ոստիկանության ծառայողների օրինական պահանջը չկատարելը):
Նշենք, որ այսօր՝ մայիսի 16-ին, «Դիմադրության» շարժումը 5 ուղղություններով ավտոերթեր է անցկացնում: Ոստիկանությունը տուգանային հրապարակ է տարհանում նաև ակցիայի մասնակիցների մեքենաները։ Թե մինչ այս պահը քանի մեքենա է տարհանվել և ինչ հիմքով՝ Ոստիկանությունից նշեցին, որ ավելի ուշ կպատասխանեն։
Ռոզա Վարդանյան
