Քաղաքականություն
13.05.2022 | 21:21
ՄԱԿ-ի Պարենի համաշխարհային ծրագրի ղեկավար Դեյվիդ Բիսլին Ռուսաստանի նախագահ Վլադիմիր Պուտինին կոչ է արել ապաշրջափակել Օդեսան և Ուկրաինայի այլ նավահանգիստները՝ միլիոնավոր մարդկանց սովից փրկելու համար։
«Միլիոնավոր մարդիկ ամբողջ աշխարհում կմահանան, քանի որ այս նավահանգիստներն արգելափակված են»,- CNN-ին ասել է Բիսլին:
Հղում անելով ԱՄՆ Գյուղատնտեսության նախարարությանը՝ CNN-ը հիշեցնում է, որ Ուկրաինան եգիպտացորենի, ցորենի, վարսակի, արևածաղկի ձեթի և սերմերի աշխարհի առաջատար արտահանողներից մեկն է։
Ուկրաինայում պատերազմի սկզբից ի վեր ռուսական նավատորմը գրավել է ուկրաինական նավահանգիստները Ազովի ծովում և փակել նավերի անցումը երկրի սևծովյան նավահանգիստներից։
Տաթև Ֆռանգյան
